Sak Muji, Zvicër, Dukaivë – Rugovë
PROFESOR MUHAMET D. ROGOVA, NA DUHET LUSTRACION, DREJTËSI E LIGJ — JO MILIONA PA LLOGARIDHËNIE!
I dashtuni Profesor Muhamet D. Rogova,
Faleminderit për fjalët tuaja vëllazërore dhe për qëndrimin në mbrojtje të së vërtetës kombëtare! More Profesor, edhe sot më dhemb shpina nga kërbaçi i burgjeve jugosllave, por edhe më shumë më dhemb padrejtësia që vazhdon ta rëndojë Kosovën tonë të lirë!
Behajdin Allaqi
Familja e Xhemajl Mustafës, duke e vajtuar pas vrasjes së tij me 23 nëntor 2000 në Prishtinë
E tash na dalin disa militantë me klithje se Qeveria duhet t’i sigurojë 50 MILIONË EURO URGJENTISHT për mbrojtjen e katërshes së Hagës! Po i pyes njerëzisht e kombëtarisht: Ku është urgjenca për drejtësinë e Behajdin Allaqit?
Ku është drejtësia për Xhemajl Mustafën, vrasja e të cilit mbetet e pazbardhur?!
Ku janë përgjigjet për familjet e dëshmorëve, invalidët, veteranët dhe ish-të burgosurit politikë?! Ne nuk kërkojmë hakmarrje! Kërkojmë drejtësi me emër e mbiemër, prova, përgjegjësi individuale dhe vendime gjyqësore! Ata që vërtetohet se kanë vrarë shqiptarë nuk mund të fshihen pas lavdisë së UÇK-së! Asnjë cent për privilegje të kriminelëve të dënuar! E drejta për mbrojtje ligjore duhet respektuar, por çdo euro nga buxheti duhet të jetë e ligjshme, e kontrolluar dhe e arsyetuar! Nëse janë paguar padrejtësisht para për avokatë, kërkojmë auditim dhe kthimin në buxhet të çdo euroje të dhënë në kundërshtim me ligjin! Lavdia e UÇK-së nuk zbehet nga drejtësia.
Shenjë origjinale e UÇK- së, punim artistik i Sak Mujit, që ishte Koordinator i LKÇK -se për Mergatën
Nuk ka me dhanë para për mbrojtjen eventuale të vrasësit të Behajdin Allaqit, apo të Xhemajl Musaftës që u vra me 23 nëntor 2000 në Prishtinë-
Prandaj, të gjithë shqiptarët kanë të drejtë ta dijnë se për cilën vepër akuzohet ai apo tjetri, që të mos e hudim fajin aty ku nuk duhet.
Ajo që dihet mirë e qartë është se asnjë luftëtar i lirisë nuk ka vrarë ndonjë shqiptar.
Përkundrazi, drejtësia e mbron luftën tonë çlirimtare nga çdo abuzim me emrin e saj! LUSTRACION! DREJTËSI! LIGJ! Për të vrarët, për të persekutuarit, për familjet që presin të vërtetën dhe për brezat që meritojnë një shtet të drejtë!
Të përqafoj vëllazërisht, Profesor i dashtun!
Burgu i Nishit, punim i autorit Sak Muji, ish-Sylë Mujaj
Sak Muji , ish-i burgosur politik, 1981–1990 
