Presidenti Joe Biden u vizitua nga presidenti ukrainas Volodymyr Zelensky në Uashington pak para Krishtlindjeve. Foto nga arkiva: Endrju Harnik / AP / NTB
Shtëpia e Bardhë ka paraqitur një paketë të re ndihme ushtarake me vlerë totale prej 3.75 miliardë dollarë për Ukrainën dhe vendet në krahun lindor të NATO-s.
Ndër të tjera, Ukraina do të marrë për herë të parë rreth 50 makina të blinduara të tipit Bradley.
Paketa e ndihmës ushtarake e paraqitur të premten është më e madhja që kur Rusia pushtoi Ukrainën. Kjo përfshin materiale ushtarake të siguruara nga vetë rezervat e Pentagonit. Kjo ka një vlerë prej 2.85 miliardë dollarë dhe do të dërgohet drejtpërdrejt në Ukrainë.
Përveç kësaj, administrata e Xho Bajden do të japë një shtesë prej 225 milion dollarë në fonde ushtarake për të ndërtuar dhe modernizuar ushtrinë ukrainase në një afat më të gjatë, sipas Shtëpisë së Bardhë. Paketa përfshin gjithashtu 682 milion $ në fonde ushtarake për aleatët evropianë , për t’i ndihmuar ata të zëvendësojnë mjetet ushtarake që i kanë dhuruar Ukrainës.
“Lufta është në një pikë kritike dhe ne duhet të bëjmë gjithshka mundemi për të ndihmuar ukrainasit t’i rezistojnë agresionit rus,” tha të premten sekretarja e shtypit e Shtëpisë së Bardhë Karine Zhan-Pierr.
Aftenposten
