Me rastin e 20 vjetorit të vdekjes së dr. Ibrahim Rugovës, themeltarit të shtetit tonë – Republikës së Kosovës, shoqata “Trojet e Arbrit” organizon gjashtë sesioneve shkencore me temën bazë: “Dr. Ibrahim Rugova, themelues i Republikës së Kosovës”.
Sesionet shkencore mbahen në 6 (qendra) vende të ndryshme të botës: Prishtinë, Tiranë, Shkup, Hamburg, Bazel dhe New York, me mundësi të shtrirjës edhe në vendet e tjera si: Londër, Paris,Malmö etj.
Temat që do të trajtohen në këto 6 sesione shkencore përfshijnë periudhën kohore nga viti 1989 – 2006.
1. “Dr. Ibrahim Rugova Kryetar i Shoqatës së Shkrimtarëve të Kosovës”,
2.”Fillet politike të dr. Ibrahim Rugovës”,
3. “Kundërshtimi i UJDI”,
4. “Themelimi i Lidhjes Demokratike të Kosovës”,
5. “Themelimi i institucioneve të pavarura të Republikës së Kosovës”,
6.”Fillet e organizimit ushtarak policor, dhe të Sherbimeve të Informimit dhe të Mbrojtjes së Republikës së Kosovës”,
7. “Takimet diplomatike të Dr.Ibrahim Rugovës në Evropë dhe Amerikë”,
8. “Dr. Ibrahim Rugova simbol i Unitetit Kombëtar Shqiptar”,
9. “Zgjedhja e Ibrahim Rugovës President i Kosovës”,
10. “Roli i Ibrahim Rugovës në përgatitjen e shpalljes së Pavarësisë së Kosovës”,
11. “Roli i Ibrahim Rugovës në Konferencat Ndërkombëtare për Kosovën”;
12. “Roli i Ibrahim Rugovës në forcimin e Institucioneve të Kosovës, Shqipërisë dhe viseve tjera etnike shqiptare”,
13″.Shtypi Evropian dhe Amerikan për Presidentin dr.Ibrahim Rugova”,
14. “Dëshmitë dhe rrëfimet e politikanëve evropian dhe amerikan për takimet e përbashkëta me Presidentin dr.Ibrahim Rugova”.
Sesionet shkencore do të mbahen sipas këtij rendi kohor :
Prishtinë, 2 qershor 2026;
Tiranë, 4 qershor 2026;
Shkup, 5 qershor 2026;
Hamburg, 10 qershor 2026;
Bazel,ose Luzern 16 shtator 2026;
New York 28 nëntor 2026.
Studiuesit që dëshirojnë të dërgojnë temat e tyre nga të gjitha trojet shqiptare, si dhe nga mërgata e madhe atdhetare , mund t´i dërgojnë në këto adresa elektronike:
nue_oroshi@yahoo.de,
m_maraj@hotmail.com,
rovena_vata@hotmail.com, tmrijaj@yahoo.com,
zeqirkadriu02@gmail.com,
abasfejzullahi@gmail.com,dhe
alidaci@hotmail.com.
Ftojmë të gjithë intelektualët shqiptarë në mërgatë dhe në të gjitha trojet etnike shqiptare bashkëkohasit e Presidentit historik Dr.Ibrahim Rugova që të na përkrahin qoftë në aspektin organizativë qoftë në atë intelektualë.
Për të shkruar historinë, për të organizuar sesionet shkencore si dhe për të botuar 6 vepra enciklopedike prej 4800 deri në 5000 faqe duhet edhe një përkrahje financiare.
Për këtë i ftojmë të gjithë shoqatat,organizatat, degët dhe nëndegët e partive, veprimtarët e viteve 1990-1999 në të gjitha trojet shqiptare si dhe biznismenët shqiptarë që të na përkahin financiarisht.
Historia e cila nuk shkruhet ajo mbetët pasuri e varrosur, prandaj të gjithë së bashku ta japim nga një përkrahje që brezave që do të vijnë mos t´ua lamë historinë e turbullt por t´iu tregojmë se kush ishte arkitekti i Pavarsisë së Kosovës, dhe kush ishin ata atdhetarë dhe atdhetare që gjatë viteve 1989-1999 sakrifikuan çdo gjë për lirinë e Kosovës.
I njoftojmë studiuesit që temat duhet të jenë të përgaditura dhe çdo studiues që do të marrë pjesë në njërin nga këto 6 sesione shkencore temën duhët ta dërgoj te plotë 1 javë para mbajtjës së sesioneve shkencore.
Të gjitha temat që janë të plota do të futen në program.
Ju mirëpresin kryesia e Shoqatës “Trojet e Arbrit”
Mr.sc.Nue Oroshi, Kryetar
Dr.sc.Besim Morina, Nënkryetar
Prof.asoc.dr.Rovena Vata-Mikeli , Nënkryetare
