Sot po demonstrojnë bijtë dhe bijat e kombit, ata që e duan dheun e tyre ashtu si është. Ndoshta janë të varfër por janë bukuria e tokës shqiptare, engjëjt e qiellit shqiptar, siguria e qëndrueshmërisë së tokës dhe qiellit shqiptar
Brezi i ri, në të gjitha trojet shqiptare, po përballet me një padrejtësi të madhe historike. Mijëra të rinj largohen çdo vit nga vendi në kërkim të mundësive që nuk i gjejnë në atdheun e tyre, derisa pasuri të rëndësishme kombëtare vazhdojnë të ngjallin debate dhe pikëpyetje të mëdha në opinionin publik.
Rasti i Zvërnecit dhe Nartës ka ngritur pyetje që kërkojnë përgjigje të qarta dhe transparente.
Të rinjtë kanë të drejtë të dinë se si administrohen pasuritë publike, kujt i përkasin dhe nëse po mbrohet interesi kombëtar ashtu siç duhet. Kjo nuk është një kërkesë politike, përkundrazi është një kërkesë qytetare, demokratike dhe kombëtare.
Te gjithē ata që këta djemë dhe vajza po mundohen me identifikuar me shërbime të huaja: ose janë sharlatanë të pa vlerë; ose të hutuar pas ideologjive politike; ose naiv të Chat- CHBT, vetëm sa për të thënë diçka; ose janë shpirt-shitur.
Shqipëria dhe Kosova nuk mund të ndërtohen mbi dy standarde. Kur të rinjtë humbasin besimin tek drejtësia, humbet besimi tek e ardhmja e vendit. Prandaj kërkesa është e thjeshtë: transparencë, përgjegjësi dhe zbatim i barabartë i ligjit për të gjithë.
Ky nuk është vetëm një apel për drejtësi. Ky është një kushtrim për shpresë.
Shqipëria ka mbijetuar në çdo kohë të vështirë, sepse ka pasur gjithmonë djemë dhe vajza që nuk e kanë ulur kokën, që nuk kanë heshtur dhe që nuk e kanë humbur besimin tek vendi i tyre.
Sot është radha jonë t’i dëgjojmë dhe t’i mbështesim.
Rinia shqiptare nuk është problemi i Shqipërisë; ajo është zgjidhja e saj. Rinia është forca që mund të ndalë zbrazjen e vendit, të mbrojë interesin kombëtar dhe të ndërtojë një të ardhme më të drejtë për të gjithë.
Le të ngrihemi në krah të rinisë shqiptare. Ta mbështesin të drejtën e saj për të kërkuar transparencë, drejtësi dhe dinjitet.
Shqipëria nuk do të shpëtohet nga indiferenca, por nga guximi i bijve dhe bijave të saj.
Koha e heshtjes ka mbaruar! Koha e rinisë shqiptare ka ardhur.
Ngrihuni me dinjitet rini shqiptare ku do që jetoni, flisni me guxim dhe qëndroni me krenari në mbrojtje të Shqipërisë dhe shqiptarisë. Shqipëria dhe trojet shqiptare u takojnë shqiptarëve, dhe e ardhmja e saj do të shkruhet nga duart, mendjet dhe zemrat e rinisë së saj.
Në vazhdim po prezantoj ca imazhe që më kanë ardhur nga një profil interneti i pa verifikuar. Nuk mund të garantoj për vërtetësinë e tyre, nëse dikush i demanton me fakte, jam i gatshëm t’i tërheqi nga postimi. Lexojeni dhe te gjitha dokumentet e pshtme, pastaj shperndani, me kritikē apo pa te.
E lexova me vëmendje këtë shkrim dhe pajtohem me një mesazh themelor të tij: rinia ka të drejtë të ngrejë zërin kur kërkon transparencë, drejtësi dhe llogaridhënie për çështje që lidhen me të ardhmen e vendit.
Shqiptarët kanë të drejtë të kërkojnë zhvillim ekonomik dhe investime, por po aq kanë të drejtë të shtrojnë pyetje dhe të kërkojnë transparencë për projektet që prekin pasuritë natyrore, mjedisin dhe interesin publik. Demokracia nuk matet me heshtje, por me mundësinë për të shprehur mendime të ndryshme.
Nga ana tjetër, është e vërtetë se nuk mund të refuzohet çdo investim pa analizë të thellë, sepse zhvillimi ekonomik është jetik për të ardhmen e vendit. Prandaj, nevojitet dialog, argument dhe përgjegjësi nga të gjitha palët, jo fyerje ndaj qytetarëve që mendojnë ndryshe.