Shtatë pikat e mia që i kundërshtojnë shtatë pikat e Vuçiqit…!

Gani I. Mehmeti

Nuk e kam ndërmed të ju lodh GJATÊ me shkrimin tim. Po i bij shkurt e po i numërojë pikat (dëshirat) e mia për popullin dhe vendin tim.

1. Gjendja e Kosovës, të kthehet para vitit 1912, kur Kosova dhe vise tjera nuk ishin okupuar nga Serbia.
2. Gjendja shqiptare të kthehet që në vitin 1878, kur, viset tjera shqiptare të Toplicës e Sanxhakut të Nishit, nuk ishin pjesë e Serbisë, nga ku popullata shqiptare qe vrarë e ndjekur. Dëshmi e asaj kohe për të ndjekurit që u quajtën Muhaxherë mbajnë edhe sot e kësaj dite për mbiemër vendbanimin apo fshatin prej të cilit qenë përzënë, e që figurojnë diku përmbi 700 fshatra, pra deri përtej Nishit.
3. Gjithsesi, Sanxhaku i sotëm i Novi Pazarit, t’i bashkangjitet Republikës së Kosovës, pjesë e së cilës ishte deri në Luftën e Dytë Botërore dhe që, përkundër boshnjakëzimit të tyre me dhunë, të gjithë ishin shqiptarë.
4. Gjithashtu, kërkoj që tokat shqiptare, sot nën Malin e Zi, t’i kthehen Republikës së Kosovës.
5. Kërkojmë që të gjitha vendbanimet shqiptare që ishin e sot janë si Maqedoni Veriore, t’i ngjiten Kosovës, sepse, pa dëshirën e tyre janë ndarë prej Kosovës.
6. Pse jo, të shkojmë edhe deri në Beograd, kur edhe ky ishte vendbanim i shqiptarëve deri rreth viti 1812, kur po sundonte atje vetë Demë Ahmeti[1], i cili u mund nga serbët pasi në ndihmë e në përkrahje serbëve u shkuan Perandoria Osmane, Rusia dhe Austria aso kohe, sepse ishin kundër elementit shqiptar, ashtu sikur janë edhe sot e kësaj dite që pengohen të jenë të lirë, posaçërisht nga Borellët, Lajçakët e Stanot.
7. Kërjkoj që shqiptarët të jenë të lirë dhe të kenë shtetin e tyre – Shqipërinë Etnike. Unë sërish kam dalë dhe jam më i drejtë se Vuçiqi, sepse nuk kërkoj të pushtojë shtete të tjera, vetëm deri atje ku kemi qenë ne dikur.

Shqiptarët asnjëherë nuk kanë qenë pushtues të gjorët, prandaj është tëkurrur vazhdimisht Atdheu i tyre, sa janë në rrezik edhe sot e kësaj dite të mbesin edhe pa këtë pak vend që rastësisht dhe me ndihmën e Amerikës u ka mbetur. Po, se deri sa këta shtyhen ndërmjetvetes pozitë e opozitë, Serbia armatoset, jo për diçka tjetër, por për të dirigjuar Ballkanin, qoftë me bisedime, qoftë me luftë. Ajo sot është në gjendje të kërcënojë e të rrezikojë edhe NATO-n. Kjo u pa më 29 maj 2023, kur u rrahën e u plagosën ushtarët e KFOR-it në Zveçan. Kjo ka qenë vetëm matje e pulsit. Tani sikur ua ka hangër kokrrat.

Dhe këtu, mos ma shihni për të madhe shumë, edhe unë kam të drejtë të shpreh dëshirat e mia, ashtu sikur Vuçiqi. Po, se nëse po i kthemi kohës prapa, siç kërkon Vuçiqi, atëhere po shkojmë edhe pak më larg në histori…

[1]  Shiko: Prof. Vesel Jaha « Demë Ahmeti », Prishtinë, 2023.