Ministri i Brendshëm, Xhelal Sveçla, ka folur për media pas takimit që pati të shtunën me kryetarin e Leposaviqit, Lulzim Hetemi, në objektin komunal të kësaj komune, duke shprehur edhe një herë se ajo çka po bëjnë autoritetet e Kosovës është legjitime.
I pyetur për deklaratat e QUINT-it dhe SHBA-së, Sveçla ka thënë se për këto do të përgjigjet nga Prishtina.
Edhe kryetari Hetemi është larguar nga objekti komunal.
Kryetari i Leposaviqit hyn në Komunë pa telashe, shkon edhe Sveçla
Megjithatë, në afërsi të komunës po qëndrojnë njësitë speciale të Kosovës, si dhe KFOR-i. Aty janë edhe tre autoblinda.
Policia po punon edhe sot në pastrimin e mbetjeve të zhavorrit e gurëve që kanë mbetur nga dje, 26 maj, kur serbët lokalë kanë protestuar për të mos lejuar hyrjen e Hetemit brenda objektit. Ata kanë zbrazur kamionët me gurë para Komunës.
Kurse, situata në komunën e Zveçanit, aktualisht raportohet se është e qetë. Forcat e Njësisë Speciale të Policisë së Kosovës janë duke qëndruar përreth objektit të komunës.
Sveçla shkon në Leposaviq
Ministri i Punëve të Brendshme, Xhelal Sveçla, ka shkuar në Leposaviq të shtunën.
Ai ka hyrë në objektin e Komunës, ndërsa nuk ka folur për mediat.
Pritet që pasi ta takojë kryetarin e Leposaviqit, Lulzim Hetemi, t’u përgjigjet edhe mediave.
