Shqiptar Shaljani, Shalë e Bajgorës, Mitrovicë
THIRRJE E HAPUR PËR TË GJITHË SHQIPTARËT
EJANI NË ZOGAJ MË 18 GUSHT!
Motra e vëllezër shqiptarë, kudo që ndodheni!
18 gushti po afron!
Më 18 gusht 2026, ditë e martë, në Zogaj të Shalës së Bajgorës, në Komunën e Vushtrrisë, do të vendoset gurthemeli i Kishës Katolike Shqiptare – një ngjarje që përtej rëndësisë së saj fetare, ne e shohim si një moment me peshë të veçantë historike, kombëtare dhe shpirtërore.
Prandaj, sot ju drejtohemi të gjithë shqiptarëve, pa dallim partie, bindjeje politike apo ideologjie:
Ejani në Zogaj!
Ejani motra e vëllezër, ejani bij e bija të këtij trualli, ejani nga të gjitha trevat shqiptare dhe nga mërgata!
Ejani të bëhemi bashkë në këtë ditë të veçantë dhe të dëshmojmë se, përtej dallimeve që mund të kemi mes nesh, ekzistojnë momente që na bashkojnë rreth gjuhës, historisë, kulturës, identitetit dhe kujtesës sonë kombëtare.
Ejani dhe bëhuni pjesë e kësaj feste shqiptare!
Ejani dhe dëshmoni me praninë tuaj se shqiptarët e njohin dhe e duan identitetin e tyre, se dinë t’i nderojnë rrënjët e tyre dhe se kanë guximin ta ndërtojnë të ardhmen duke mos e harruar të kaluarën.
Ne jemi shqiptarë!
Jemi në tokën e lashtë të Dardanisë.
Jemi pasardhës të një historie të lashtë iliro-dardane e arbërore dhe kemi të drejtë ta shprehim lirisht identitetin tonë kombëtar e shpirtëror.
Nuk kemi nevojë për lejen e askujt për të qenë shqiptarë dhe për ta shprehur lirshëm atë që jemi.
Por pikërisht për këtë arsye, kjo ceremoni nuk bëhet kundër askujt.
Nuk është kundër asnjë shqiptari, kundër asnjë komuniteti dhe as kundër besimit të askujt.
Përkundrazi, është një akt i respektit ndaj rrënjëve tona, ndaj kujtesës sonë historike dhe ndaj trashëgimisë që duam t’ua përcjellim brezave që vijnë.
Në këtë ditë do të shënojmë edhe një tjetër moment të veçantë: pagëzimin e shumë grave e burrave, të rinjve e të rejave shqiptarë, të cilët do ta shprehin publikisht zgjedhjen e tyre shpirtërore.
Le të jetë kjo një ditë gëzimi, paqeje, dinjiteti dhe bashkimi!
Le të jetë dita kur historia takohet me të ardhmen.
Le të jetë dita kur shqiptarët, pavarësisht bindjeve politike apo ideologjike, mblidhen së bashku për të dëshmuar dashurinë për kombin, gjuhën, kulturën dhe rrënjët e tyre.
Dhe po, tashmë pjesëmarrja është masive dhe e konfirmuar.
Pavarësisht tymit që po përpiqen të hedhin disa qarqe për ta minimizuar këtë pjesëmarrje, për ta zbehur rëndësinë e kësaj dite apo për të krijuar pasiguri te njerëzit, mesazhi është i qartë:
18 gushti do të jetë një ditë e shqiptarëve që do të jenë aty!
Ceremonia do të zhvillohet në kushte të sigurta dhe pjesëmarrësit mund të vijnë me qetësi, dinjitet dhe besim.
Asnjë tym nuk mund ta mbulojë një ngjarje që tashmë është bërë realitet.
Asnjë përpjekje për ta zvogëluar pjesëmarrjen nuk mund ta zhbëjë vullnetin e atyre që kanë vendosur të jenë aty.
Sepse përgjigjja më e fuqishme ndaj çdo përpjekjeje për ta zbehur këtë ditë nuk është debati.
Është prania jonë!
Prandaj:
Ejani në Zogaj!
Ejani të vendosim së bashku një gur në themelet e kishës, por edhe një gur në kujtesën e brezit tonë.
Ejani që fëmijëve dhe nipërve tanë t’u themi një ditë:
“Ne ishim aty!”
Ishim aty kur u vendos gurthemeli.
Ishim aty kur shqiptarët u mblodhën në Zogaj.
Ishim aty kur një faqe e re u shkrua në historinë tonë.
Dhe mbi të gjitha, ishim aty për t’u dëshmuar brezave se:
NE ISHIM, JEMI DHE DO TË JEMI SHQIPTARË!
Zogaj, më 18 gusht, le të mos jetë vetëm vendi ku vendoset një gurthemeli.
Le të jetë vendtakimi i shqiptarëve.
Le të jetë ditë kujtese.
Le të jetë ditë krenarie.
Le të jetë ditë bashkimi.
Le të jetë ditë shprese për brezat që vijnë.
Motra e vëllezër,
18 gushti është afër.
Mos e lini këtë ditë të kalojë pa qenë pjesë e saj.
Ejani në Zogaj!
Ejani në Shalën e Bajgorës!
Ejani të jemi bashkë në këtë ditë të shënuar!
Zoti ju bekoftë ju dhe familjet tuaja!
Zoti i bekoftë të gjithë shqiptarët, kudo që ndodhen!
Zoti e bekoftë Dardaninë dhe tokat shqiptare!
Mirë se vini në Zogaj, më 18 gusht 2026!
