John Swinton (1829 – 1901), kolumnist i gazetës „New York Times”: Deri më sot, në historinë botërore nuk ka ekzistuar diçka e tillë si shtypi i lirë

Në vitin 1880 ishte në një banket të organizuar nga liderët e gazetarisë. Dikush ofroi të ngrit një dolli për shtypin e lirë. Z. Svinton me këtë rast thotë:

“Ҫ’gomarllëk do të ishte të ngresh dolli për një shtyp të pavarur! Deri më sot, në historinë botërore nuk ka ekzistuar diçka e tillë si shtypi i lirë. Asnjë nga ju nuk guxon të shkruaj opinionet e tij të sinqerta, dhe nëse do ta bëni këtë, e dini shumë mirë se nuk do të dalin kurrë të shtypura në gazetë. Unë paguhem çdo javë për të mbajtur opinionet e mia të ndershme jashtë gazetës për të cilën punoj. Të tjerët prej jush paguhen me rroga të ngjashme, për gjëra të ngjashme, dhe nëse do të ishit aq budallenj sa të shkruanit opinionet tuaja të sinqerta, do të gjendeshit në rrugë duke kërkuar një punë tjetër. Nëse do t’i lejoja opinionet e mia të dilnin në një numër të gazetës, punësimi im do të kishte përfunduar brenda njëzetekatër orëve.

Nuk ka asgjë në Amerikë që t’i përngjajë një shtypi të pavarur. Edhe ju edhe unë e dimë këtë. Detyra e gazetarit është të shkatërrojë të vërtetën, të gënjejë në rastin më të parë, të manipulojë, të shpifë, t’i lëpihet parasë dhe të shesë vendin e kombin e tij për të fituar bukën e përditshme. Edhe ju, edhe unë e dimë këtë. Atëherë ç’gomarllëk do të ishte, të ngresh dolli për një shtyp të pavarur?!

Ne jemi vegla dhe vasalë për njerëzit e pasur që veprojnë në prapaskenë. Ne jemi marioneta që kërcejnë. Ata lëvizin fijet dhe ne vallëzojmë. Talentet, mundësitë dhe jetët tona janë pasuri e të tjerëve. Ne jemi prostituta intelektuale!“