Islami duhet të përshtatet me vlerat tona Suedeze, myslimanët që nuk integrohen duhet të largohen nga vendi

Zëvendëskryeministrja suedeze Ebba Busch flet hapur për rolin e Islamit në shoqërinë suedeze.

Ajo është e mendimit se Islami duhet t’u përshtatet vlerave dhe ligjeve suedeze , dhe jo anasjelltas.

Sipas saj, praktika dhe koncepte të tilla si zbatimi i ligjit të Sheriatit, vrasjet për nder apo martesat e detyruara nuk kanë vend në një shoqëri të lirë dhe demokratike. Busch thekson rëndësinë e integrimit dhe pret që ata që dëshirojnë të jetojnë përgjithmonë në Suedi t’i respektojnë vlerat dhe rregullat themelore të vendit.

Ebba Busch drejton partinë suedeze të Kristian-Demokratëve që nga viti 2015. Ajo gjithashtu shërben në qeverinë suedeze që nga tetori i vitit 2022 si Zëvendëskryeministre dhe Ministre e Energjisë, Biznesit dhe Industrisë. Përmes deklaratave të saj mbi integrimin, migracionin dhe marrëdhënien midis fesë dhe shoqërisë, ajo mbron një qëndrim politik qartazi konservator, duke nxitur shpesh debate lidhur me kufijtë e lirisë fetare dhe kërkesat për integrim shoqëror në Suedi.