24 vjet më parë, Aleanca Veri-Atlantike e NATO-s nisi sulmet ajrore ndaj forcave ushtarako-policore serbe.
Kjo datë e shënuar në historinë tonë, njihet edhe si “Dita e Shpresës”, prandaj në shenjë kujtimi, AVONET-i sot organizoi “Kafen e Miqësisë dhe Falënderimit”, ku prezentë ishin përfaqësues nga KFOR-i amerikan, kryetari i Gjykatës Themelore të Ferizajt Mustaf Tahiri, nënkryetare e Gjykates Themelore znj. Mirlinda Bytyqi, Drejtori Rajonal i ATK-së për Ferizaj Avdi Jakupi, Toger Reshat Hyseni nga Policia e Kosovës dhe krerë të instutucioneve lokale dhe shumë zyrtarë të tjerë.
Drejtori i AVONET-it, Kenan Gashi, i cili ndau mirënjohje për përfaqësuesin e KFOR-it amerikan, duke ju drejtuar të pranishmeve, tha se nuk është hera e parë që organizohet një festë e tillë, duke u shndërruar tani në traditë. Mirënjohjen e pranoi Kapiten Jesse Morganthaler, Komandanti i LMT-së pranoi mirënjohjen nga AVONET.
“Siç dihet në Ferizaj, që disa vite me radhë shënohet kjo ditë për shkak të bombardimeve që kanë qenë mbi caqet serbe, natyrisht se ne si organizatë kemi filluar vite më parë, duke vazhduar bashkëpunimin me udhëhqësitë e institucioneve”, tha Kenan Gashi.
Gashi theksoi se kjo është një ndjenjë e mirë, duke e kujtuar 24 marsin si ditë të shenjtë e të rëndësishme për historinë e Kosovës. “Për fat të mirë sot shumica e institucioneve janë pjesë e kësaj kafeje të miqësisë dhe falënderimeve, duke mos përjashtuar edhe mediat”, shtoi Gashi.
Faleminderit për mirëpritjen dhe shërbimin lokali MON AMI.
