Vitrina e librit
___
Këto ditë në Prishtinë doli nga shtypi, (postmortum), edhe vëllimi i tretë i trilogjisë “DEMOKRACIA E PROLONGUAR” nga Ing. Nazmi Peci, i cili ishte njëri nga nënkryetarët në shumë mandate në Degën e LDK-së në Zvicër, dhe deri në fund të jetës edhe veprimtar i saj. Po ashtu Ing. Nazmi Peci, është njëri nga intelektualët shqiptar që u nga posti i drejtorit në Minierën në Stan Tërg, dhe u dënua me burg politik në vitin 1983, ai ishte nënshkrues i Peticionit të Intelektualëve Shqiptar dhe në mesin e atyre intelektaulëve shqiptarë që përjetuan burgosjen dhe “Izolimin” gjatë vitit 1989.
Vëllimi i Tretë i kësaj trilogjie, përfshinë tërë angazhimin e Ing. Nazmi Pecit, në Degën e LDK-së, dokumente dhe materiale që botohen për herë të parë, veçmas ato që kanë të bëjnë me konfliktet e Qeverisë së Kosovës në Egzil në vitet e nëntdhjeta dhe sidomos ndërhyrjet e atëhershme të Ministrit për Ekonomi dhe Financa mr. Isa Mustafës, letrat e të cilit botohen të gjitha, si dhe veprimet antdemokratike të shpurës së tij ideologjike gjerë në ditët e sotme.
Sipas përpiluesve, “Libri i Ing. Nazmi Pecit, “DEMOKRACIA E PROLONGUAR 3”, ka përmbyllur trilogjinë e shkrimeve të shumta që ky veprimtar i ka lënë në dorëshkrim. Veprimtaria e Nazmiut, e përfshirë në këta libra, nisë me themelimin e Degës së LDK-së në Zvicër, që në vitin 1990 dhe do të përfundojë në fund të jetës së tij”.
Për tu pasqyruar si duhet veprimtaria e Ing. Nazmi Pecit, librin e kanë përgatitur për botim prof. Demë Jashari dhe shkrimtari Shefqet Dibrani. Siç dihet, edhe hartuesit e librit, gjatë këtyre dekadave, ishin veprimtarë të çështjes kombëtare dhe bashkveprimtarë të afërt të Ing. Nazmi Pecit. Në këtë vepër janë publikuar edhe shumë dokumente dhe faksimile të kohës, prandaj e bëjnë me vlerë historike, por edhe aktuale përkitazi me disa procese politike që po ndodhin në Kosovë.
Librin “DEMOKRACIA E PROLENGUAR 3”, e botoi Shtëpia Botuese “FAIK KONICA”, në Prishtinë 2025. Vepra i ka 412 faqe, me lidhje të fortë teknike, dhe numër të bibliotekës: ISBN 978-9951-31-049-9. (sh.d.)
