Shkruan: Refik HASANI
Më datën 29.10.2021, kabineti qeveritar i Republikës së Kosovës ka miratuar, projektbuxhetin për vitin 2022, e në të cilin është planifikuar edhe vija buxhetor për krahinën shqiptare që përfshin Medvegjë, Bujanoc dhe Preshevë. Duhet përshëndetur, që për herë të parë kemi që nga viti 1999, që është buxhetuar me mbështetje për Medvegjë, Bujanoc dhe Preshevë, në shumë prej 2 milionë euro.
Kujtoj që Qeveria Kurti I, për Medvegjë, Bujanoc dhe Preshevë, ndau gjysmë miloni euro e tani ka parapar edhe vij buxhetore të rregullt që ishte domosdoshmëri e kohës.
Edhe në takimin e pērbashkēt të qeverisë së Shqipërisë dhe qeverisë së Kosovës do të duhej miratuar projekte e investime për Medvegjë, Bujanoc dhe Preshevë, dhe hapasira tjera shqiptare në Malë të Zi , Greqi, diasporë, etj
Është domosdoshmëri që edhe një konferencë e donatorëve të mbahet për këtë krahinë dhe të ndahen mjete për formimin e një Universiteti publik në Gjuhën shqipe, por dhe në Arsimin shqip gjitha nivelet, mbulimin e aktiviteteve dhe manifestimet kulturore, Rini dhe Sport, në Monumente të Trashigimisë kulturoro-historike furnizim më libra, në media të shkruara dhe lektronike, e të ngjashme, etj.
Jo vetëm Qeveria Kosovës, por mjete të rregullta buxhetore do të duhej të ndan edhe qeveria e Shqipërisë për Medvegjë, Bujanoc dhe Preshevë.
Parlamenti i Kosovës dhe Parlamenti i Shqipërisë,do të duhej formuar në themelim e një komisioni parlamentare të përbashkët për shqiptarët jashtë dy shteve dhe diasporë.
Republika e Kosovës do të duhej hapur zyrën për Medvegjë,Bujanoc dhe Preshevë në kuadër të zyrës së Kryeministrisë të Republikës së Kosovës, kurse Republika e Shqipërisë do të duhej hapur konzulatën në njërën nga tri qytetet e kësaj Krahine shqiptare.
Tirana dhe Prishtina, të koordinuara të ngrisnin e shtrojn në instanca më të larta të BE-ës dhe OKB-ës pasivizimin dhe diskriminimin duke paraqitur sakrificën e luftës UÇPMB-ës, zbatimin e Marrëveshjes së Konçulit, dhe Referendumin e datë 1 e 2 marsit 1992.
Surse Prishtina zyrtare kërkohet të zbatoj rezolutën, për Medvegjë, Bujanoc dhe Preshevë,sipas nr.04-R-011, datë 6 qershor 2013, miratuar nga Parlamenti i Kosovës, në këtë kuadër edhe të pajis me dokumenta gjithë qytetarët e asaj Krahine shqiptare.
