Çka është Islami Politik në Kosovë

Kjo është pothuajse pjesa më e vështirë e një analize te mirëfilltë. Islami është një fe me rreth dy miliardë ndjekës në të gjithë botën. Edhe studiuesit e islamit politik nuk bien dakord për një përkufizim të vetëm. Radikalizmi islam në Kosovë është një fenomen kompleks që u shfaq kryesisht pas luftës së vitit 1999, i ndikuar nga faktorë socio-ekonomikë, politikë dhe të jashtëm.

Tradicionalisht, shqiptarët e Kosovës kanë praktikuar një formë liberale dhe tolerante të Islamit suni (shkolla hanefite). Megjithatë, ndryshimet gjeopolitike krijuan hapësirë për rryma më konservatore dhe radikale, si vehabizmi. Feja radikale islame është një problem në rritje për Kosovën, por edhe për gjithë rajonin dhe për Evropën.

Tirana dhe Prishtina janë të alarmuara për zhvendosjen e identitetit në drejtim të fesë tek shqiptarët dhe duhet kërkuar masa të vendosura politike dhe sociale. Fenomeni arriti kulmin midis viteve 2012 dhe 2016. Sipas të dhënave zyrtare të raportuara nga Deutsche Welle rreth 316 qytetarë të Kosovës (përfshirë gra dhe fëmijë) udhëtuan drejt Lindjes së Mesme për t’u bashkuar me grupe terroriste si ISIS dhe Al-Nusra. Ky numër e rreshtoi Kosovën lart për nga numri i luftëtarëve të huaj për kokë banori në Evropë.

Gjate hulumtimeve që kam bërë për qëllimet e mia profesionale , jam përqendruar të qeveritë apo grupet politike që frymëzohen nga Islami në shërbim të shtetbërjes,duke tentuar që edhe në rrafshin juridik të futet islami. Pas këtyre shifrave qëndrojnë fenomene sociale të përmasave të mëdha: varfëria në rritje, 40 përqind papunësi, mungesë shatazhet, dhe zhgënjim i shumë njerëzve si dhe njëkohësisht kthimi në rritje drejt interpretimeve më të rrepta të fesë islame, të cilat më parë nuk i gjeje në Kosovë.

Sipas të dhënave të ekspertëve të sigurisë, rreth 50.000 kosovarë janë sot ithtarë të një feje konservatore islame. Pjesa më e madhe e popullatës së Kosovës janë shqiptarë. Sot mund të shikosh në rrugët e Prishtinës, Vushtrrisë, Mitrovicës, Kaçanikut, Hanit te Elezit, por dhe në qytete e komuna të tjera gjithnjë e më shumë vajza dhe gra të mbuluara shami e burka islame kur dihet se 15 vite më parë ky fenomen përbënte përjashtim.

Që këtu është e dukshme që feja tradicionale islame e periudhës osmane, e ndikuar fort nga sufizmi, po mbulohet gjithmonë e më tepër nga forma më të rrepta, të cilat kanë mbërritur në Ballkan përmes ndikimit saudit, dhe rrjeteve tjera të grupeve radikale.

Pas 11 shtatorit shumë gjëra na dolën nga “sirtarët“ tanë hulumtues, duke na bërë më të kujdesshëm në vendin tonë që e quajmë Shqipëri, Kosovë… Grupimet politike, si Vëllazëria Myslimane, grupe terroriste si ISIS dhe vende si Arabia Saudite, Siria e Irani kanë ndikuar edhe në rrjedhat e politik-bërjes si në Tiranë ashtu edhe në Prishtinë. Gjatë hulumtimit tim për vite kam gjetur shembuj kudo në përpjekjet e depërtimit islam në politikë, por kësaj radhe dua të potencoje psh., kur një prijësi fetarë (imami) i mundësohet dera për tu futur në legjislaturën (Kuvendin) e shtetit, është rrezik, jo se kemi të bëjmë me një imam, por kemi të bëjmë me strukturën e islamit radikal në vazhdimësi… Pikërisht grupet e lartcekura kanë përdorur ,,politikën“ që nesër të jenë në Vendimmarrje, ku pasojat kanë qenë katastrofale, duke përhapur luftëra e kriza humanitare.

Gjate hulumtimit në disa vende Arabe kam vërejt se njerëzit ishin pajtuar me këtë të ashtuquajtur ,,revolucion islamik“, ku myslimanët morën kontrollin dhe hartuan programe përmes të cilave do të drejtohej vendi, duke përfshirë politikën e jashtme, politikën e brendshme, ekonominë etj. Islami ishte slogani i tyre, duke shfrytëzuar besimtarët laik, ku në shumë shtete të lindjes morën kontrollin e aparatit shtetërorë. Rasti ma i keq ishte pikërisht në Siri dhe Afganistan. Është interesant që pas disa viteve si për shembull në Egjipt, Tunizi e disa vende tjera, që udhëhiqeshin nga grupe terroriste si ,,Vëllazeria Myslimane“ kanë humbur kontrollin ku liderët e tyre populist, përmes sloganit ISLAM, bindshëm kishin fituar zgjedhjet parlamentare . Ne fund do marr për ilustrim Republikën Islamike të Iranit, ku pas një lufte të shkurtër Izrael-SHBA – Iran, kemi çmontim të kësaj linje, jo se forca ushtarake ishte dominante, por ishte rezistenca e vet Iranianeve të lodhur nga regjimi islam.

Apo ta marrim Arabinë Saudite, ku ma herët ishte e paimagjinueshme të shihni një femër në drejtimin e makinës, sepse kishte një të ashtuquajtur ,,polici fetare“ që kujdesej edhe për veshjet e femrave. Me këtë dua të jem i qartë, por edhe kritik në futjen e islamit në vendimmarrje, sidomos në aparatin shtetërorë.

Mund te ju duket paksa qesharake kur unë ilustroi një individ imam (tani Deputet) i ardhur po nga subjekti politik i VV-së, ku bëjë pjesë edhe unë, i cili publikisht nxirrte shkumë nga goja kundër Heroit tonë Kombëtar Gjergj Kastrioti!

Ne si shoqëri nuk guxojmë t’ju hapim dyert e Parlamentit predikueseve fetar pa marr parasysh se të cilit religjion a sekt janë. Zoti e ruajt vendin tonë. Ismet Salihu gazetar hulumtues.