Nga: Safet Sadiku
Diplomati Avni Nasufoski pati nderin të marrë pjesë në pritjen zyrtare të organizuar nga Misioni i Shteteve të Bashkuara të Amerikës në Gjenevë, me rastin e 250-vjetorit të Pavarësisë së SHBA-së.
Pjesëmarrja e tij në këtë ngjarje të rëndësishme diplomatike u realizua me ftesë të znj. Tressa Rae Finerty, e Ngarkuar me Punë ad interim e Misionit Amerikan në Gjenevë. Ceremonia festive mblodhi përfaqësues të lartë diplomatikë, personalitete ndërkombëtare dhe përfaqësues të organizatave të ndryshme, duke krijuar një hapësirë të rëndësishme për dialog, bashkëpunim dhe shkëmbime në nivel ndërkombëtar.
Gjatë këtij aktiviteti prestigjioz, diplomati Avni Nasufoski zhvilloi takime dhe biseda me përfaqësues të komunitetit diplomatik ndërkombëtar, duke kontribuar në forcimin e marrëdhënieve dhe shkëmbimit të përvojave në fushën e diplomacisë dhe bashkëpunimit ndërkombëtar.
Me këtë rast, z. Avni Nasufoski u përcolli urimet e tij më të përzemërta autoriteteve të Shteteve të Bashkuara të Amerikës dhe popullit amerikan për 250-vjetorin e Pavarësisë, duke shprehur respektin dhe vlerësimin e tij për kontributin historik të SHBA-së në promovimin e paqes, demokracisë dhe bashkëpunimit ndërkombëtar. Pjesëmarrja në këtë ngjarje përfaqëson një moment të rëndësishëm në angazhimin diplomatik ndërkombëtar dhe dëshmon përkushtimin ndaj promovimit të dialogut, mirëkuptimit dhe partneritetit ndërmjet kombeve.
Përvjetori i 250-të i Pavarësisë së Shteteve të Bashkuara të Amerikës u shënua në një atmosferë solemne dhe miqësore, duke reflektuar rëndësinë e diplomacisë, partneritetit dhe vlerave të përbashkëta në skenën ndërkombëtare. 
250 vjtorin www.eaa-wsa.org
