Zeqir Bekolli, Prishtinë
Mosserioziteti i BE-së në raport me Serbinë u shpërfaq me propozimin e Rezolutës së PE-së për sanksione ndaj Radojqiçit .
Ky veprim i Parlamentit Evropian, jo që nuk është serioz, por ai është tejet qesharak dhe flet për njëanshmërinë dhe paaftësinë e Evropës për të udhëhequr ndërmjetësimin për raportet Kosovë-Serbi. Zaten kjo njëanshmëri dhe qasje evropiane ka ndikuar dhe vazhdon të ndikojë drejtpërdrejtë në “Status kuon” e deritashme në raportet Kosovë-Serbi dhe që pritet të jetë e tillë edhe për shumëkohë derisa Evropa të sillet njëanshëm siç po vepron.
Tashmë dihet botërisht se sulmi në fshatin Banjë në Veri të vendit ishte i organizuar, i trajnuar e udhëhequr nga Ushtria Serbe, në poligonet e saj ushtarake, për shumë kohë. Po ashtu, u vërtetua se Grupi terrorist që i priu njëri ndër liderët kryesor të Listës Serbe, të cilën tashmë vet serbët po e quajnë “Hamasi i Serbëve të Kosovës ” u armatos me armë të rënda, prodhime të Ushtrisë Serbe.
Madje, ky formacion ushtarak kishte lidhje edhe me Inteligjencën Ushtarake Ruse, që e përbën Grupin kriminal të lidhur, të stërvitur dhe të përgatitur për pushtim të Veriut të Kosovës. Dhe në vend që të merren masa ndaj Serbisë, PE-ja propozon Rezolutë për masa ndaj Radojqiçit, duke u munduar në këtë mënyrë ta shfajësojë Serbinë nga përgjegjësia për sulmin terrorist mbi shtetin dhe sovranitetin e vendit tonë!
Në anën tjetër, Vuçiq merr pjesë në takimin e Kinës, takohet edhe me Putinin dhe hapur jep sinjal se ku është rreshtuar ai dhe Serbia .
Edhe para këtij veprimi të Vuqiçit, BE-ja mbyll sytë gjë që është për keqardhje!
