Me ju thanë të drejtën, nuk desha të shkruaj për këtë çështje, por po e shoh se, dita-ditës, gjërat po dalin jashtë kontrollit.
Nuk besoj se shqiptarët patriotë, qofshin të besimit mysliman apo katolik, kanë frikë nga provokimet e askujt. Por është bërë e tepërt dhe është koha të flasim qartë, sepse nuk mund të lejojmë që feja të përdoret si mjet për të na përçarë.
Kjo është hera e tretë që përballemi me provokime të tilla, nga Biku në Krye me Ternaven që thotë publikishtë se Sulltan Murati është çlirues i tokave Shqiptare.
Herën e parë, vitin e kaluar, pranë Shtatores së Gjergj Kastriotit – Skënderbeut në Prishtinë u vendosën shatorre arabe pikërisht në ditën kur ishte paraparë manifestimi për figurën tonë kombëtare. Për shumë njerëz kjo u përjetua si provokim dhe tentativë për ta penguar manifestimin. Situata atë ditë mund të kishte përfunduar shumë keq.
Unë kam qenë aty dhe kam ndaluar disa miq të mi që, në zemërimin e tyre, të mos ndërmerrnin veprime të pakontrolluara. E bëra këtë vetëm për një arsye: të mos i shkaktonim dëm imazhit të shtetit tonë dhe të mos i jepnim askujt mundësinë të na paraqiste shqiptarët si njerëz që zgjidhin problemet me dhunë.
Tani kemi një tjetër rast të rëndë: pengimi i bekimit të gurthemelit dhe, më pas, zhdukja e gurit me Kryqin e bekuar. Kanë nisë me na kercnue edhe me armë zjarri permes fotos në vendin e gurthemelit.
Kryqi është simbol i shenjtë për të krishterët. Ashtu siç janë të shenjta simbolet e besimit islam për myslimanët. Një shqiptar që respekton fenë e vet, duhet të dijë të respektojë edhe fenë e vëllait të tij shqiptar, e ne veqanti kurë bëhet fjalë për një Kishë, ku prezenton Autoktonin Tonë me emertimin e Shen Fleurit dhe Shen Laurit.
Prandaj dua ta them shumë qartë: kjo nuk është një përplasje mes shqiptarëve katolikë dhe shqiptarëve Patriota te besimit myslimanë.
Sepse kta që villin gurin e bekuem, bejnë ksi veprime, nukë janë Shqiptarë, po agjentë servila te Erdoganit dhe Vuçiqit.
Shqiptarët katolikë dhe shqiptarët myslimanë kanë jetuar bashkë, kanë luftuar bashkë dhe kanë sakrifikuar bashkë për këtë tokë. Feja nuk na ka penguar të jemi një komb. Përkundrazi, historia jonë dëshmon se në momentet më të vështira kemi ditur të qëndrojmë pranë njëri-tjetrit.
Kleri katolik shqiptar ka dhënë prova të panumërta se i ka konsideruar shqiptarët myslimanë vëllezër të vet.
At Gjergj Fishta ishte ndër ata që e shihte kombin mbi ndarjet fetare. Edhe në periudhat më të vështira të historisë sonë, klerikë katolikë shqiptarë u ngritën në mbrojtje të vëllezërve të tyre myslimanë.
Imzot Mark Sopi dhe Don Lush Gjergji shkuan deri në Senatin Amerikan për të dëshmuar se shqiptarët, pavarësisht përkatësisë fetare, jetojnë në harmoni dhe se shqiptarët myslimanë janë vëllezërit tanë.Nukë është e vertetë atë çka thotë qeveria e Milosheviqit
Edhe Imzot Nikë Prela, kur iu kërkua të zgjidhte mes Serbisë dhe shqiptarësisë, e bëri të qartë se mbi çdo detyrë tjetër ishte shqiptar dhe mbrojtës i popullit të vet.
Një nga dëshmitë më prekëse vjen edhe nga lufta e fundit në Kosovë. Në Kishën Katolike të Gllogjanit, shqiptarë myslimanë gjetën strehim dhe mbrojtje. Për t’i njoftuar besimtarët myslimanë për kohën e iftarit, kambanat e kishës u përdorën për t’i lajmëruar.
Kur erdhën forcat serbe dhe kërkuan t’i ndanin myslimanët nga të tjerët, Don Kelmend Spaqi nuk pranoi. Për të, aty nuk kishte “myslimanë” dhe “katolikë”; aty kishte vetëm njerëz të pafajshëm që duhej të mbroheshin.
Ky është humanizmi shqiptar.
Ky është besimi, dashuria e Sinqerte kur vendoset në shërbim të njeriut.
Prandaj sot pyes:
Ku janë institucionet tona, a thue janë te kapun nga kta faqezi, pse lejojnë ketë, ksi veprime antinjerzore Antishqiptare turpsi?
Ku janë njerëzit që kanë përgjegjësi publike, pse nukë e kryejnë detyren pergjegjsinë profesionale dhe Kombëtare.
Gjdo gjë ka kufi.
Dhe ku janë shqiptarët e ndershëm, pavarësisht besimit të tyre, që duhet të reagojnë kur dikush tenton të përdorë fenë për të krijuar përçarje ndërmjet nesh?
Ne duhet ta mbrojmë njëri-tjetrin.
Duhet ta respektojmë njëri-tjetrin.
Dhe duhet ta kuptojmë një herë e mirë se armiku më i madh i shqiptarëve është përçarja.
Kisha Katolike Shqiptare ka qenë dhe mbetet pjesë e shpirtit, historisë dhe identitetit të kombit shqiptar. Por po aq e rëndësishme është edhe kontributi i shqiptarëve Patriota myslimanë në historinë tonë kombëtare.
Dhe askush nuk ka të drejtë ta përdorë fenë për të na e dobësuar kombin.
Mos ta lejojmë që një konflikt me individë apo institucione të kthehet në konflikt ndërmjet shqiptarëve.
Sepse shqiptarët katolikë dhe shqiptarët Patriota te besimit myslimanë nuk do ta tolerojnë këtë tradhti ndajë Atdheut dhe vlerave Kombëtare.
Jemi vëllezër.
Dhe këtë duhet ta mbrojmë me çdo kusht.
Kultura mentaliteti AraboTurkë në Arabi e Turqi, jo ne trojet Tona
Kjo tokë e shenjtë Dardane, për Zotri te Atdheut i pranon vetëm Shqiptaret, me gjuhen kulturen traditen e vetë Amtare në ballë me Flamurin e Gjergj Kastriotit Skenderbeut.
