Nga Sak Muji, Rugovë-Zvicër, i përndjekur politik (1981)
11 “KOPILËT” POLITIK QË IU HODHËN ALBINIT
(nga stenogramet e politikës ballkanike)
Në Ballkan ekziston një traditë politike shumë e vjetër: problemet krijohen nga shumë njerëz… por në fund kërkohet një njeri i vetëm që t’i mbajë mbi shpinë.
Në Kosovë kjo traditë mori një formë të re:
“kopilët politikë” filluan të lihen te dera e Albinit.
Por le t’i numërojmë një nga një.
Kopili nr. 1
Dialogu i Brukselit (2011)
Filloi si dialog teknik. U bë dialog politik. Dhe sot është një histori që ende vazhdon.
Kopili nr. 2
Marrëveshjet teknike të vitit 2011
• liria e lëvizjes
• regjistrat civilë
• kadastri
• vulat doganore
• menaxhimi i integruar i kufirit (IBM)
U quajtën teknike.
Por prodhuan pasoja politike.
Kopili nr. 3
Fusnota e Kosovës (2012)
Kosova në organizata rajonale me një yll dhe një fusnotë poshtë. Një shtet me flamur… por edhe me shënim në fund të faqes.
Kopili nr. 4
Marrëveshja e Brukselit (2013)
Këtu u hap rruga për një nga debatet më të mëdha: Asociacioni i komunave me shumicë serbe. Një nyje politike që vazhdon edhe sot.
Kopili nr. 5
Paketa e madhe e vitit 2015
Energjia. Telekomi. Mitrovica. Asociacioni. Një paketë marrëveshjesh që u quajt kompromis i madh.
Kopili nr. 6
Demarkacioni me Malin e Zi
Debati territorial më i madh në Kosovën pas luftës. Një çështje që për vite e ndau opinionin publik.
Kopili nr. 7
24 hektarët e Deçanit
Një histori që fillon në vitin 1997 dhe përfundon në një nga debatet më të forta për tokën dhe trashëgiminë fetare.
Kopili nr. 8
Ideja për korrigjim kufijsh (2018)
Një projekt që tronditi gjithë rajonin. Për disa ishte ide paqeje. Për të tjerë ishte lojë me hartën e Ballkanit.
Kopili nr. 9
Marrëveshja e Uashingtonit (2020)
Zotime për normalizim ekonomik. Një tjetër dosje që mbeti në tavolinë.
Kopili nr. 10
Projektet rajonale dhe debatet për Ballkanin e Hapur
Një ide për integrim ekonomik rajonal që në Kosovë u pa me shumë dyshim.
Kopili nr. 11
Kriza e institucioneve dhe përplasjet kushtetuese Kuvendi kundër qeverisë. Institucionet kundër njëra-tjetrës. Debate për kompetencat dhe interpretimin e Kushtetutës. Dhe në mes të kësaj drame politike gjithmonë një pyetje: kush është përgjegjës për gjithë këtë histori?
EPILOGU
Kthimi i “kopilëve” te dera e prindërve politikë
Në politikën e Kosovës ndodh shpesh kjo skenë: problemet krijohen për vite, marrëveshjet nënshkruhen nga shumë njerëz, krizat rriten ngadalë… dhe në fund dikush thotë:
“Fajin e ka Albini.” Por historia ka një logjikë të thjeshtë. Nëse këta “kopilë” politikë kanë lindur në vitet: 2011, 2012, 2013, 2015, 2018 dhe 2020, atëherë prindërit e tyre politikë janë pikërisht në ato vite.
Prandaj ndoshta është koha për një veprim simbolik: të mblidhen të gjitha këto marrëveshje, kriza dhe stenograme politike dhe të kthehen përsëri te dera e atyre që i krijuan.
Sepse në politikë ekziston një rregull shumë i vjetër: prindi duhet ta njohë fëmijën e vet politik. Edhe kur ai quhet: “marrëveshje”.
⸻
Sak Muji smuji’26
Per ta sqaruar me mirë “kopilhanen” nr. 7 do te duhej qe ministri Rashiq te kerkoj falje ose, nese nuk kerkon falje per shpifje atehere Albini le ta shkarkoj nga detyra. Por duket qe as Rashiqi nuk do te kerkoj falje e as Albini nuk do ta shkarkoj.