NJOFTIM PËR “TË SHQETËSUARIT”
Pas ndërrimit të prokurorëve dhe rizgjimit të drejtësisë, disa njerëzve papritur po u prishet gjumi. Dollapët e vjetër të UDB-së po hapen dhe skeletet kanë filluar të kërkojnë pronarët e tyre.
Kosova mund të zbulojë jo vetëm një Sheholl, por shumë “sheholla”: spiunë të maskuar si analistë, “patriotë” me raporte sekrete dhe hoxhallarë që, nën petkun fetar, dyshohet se u kanë shërbyer agjendave të huaja.
Mos u ngutni të nervozoheni, zotërinj! Drejtësia sapo ka ndezur dritën. Tani do të shihet kush është verbuar nga drita dhe kush ka jetuar tepër gjatë në bodrumet e errëta të UDB-së.
Dosjet flasin, provat gjykojnë, ndërsa tradhtia — sado petka të ndërrojë — një ditë mbetet lakuriq!
