Kur Presidentja pi ujë, shpërthen provincializmi
Vjosa Osmani u pa duke pirë ujë para kamerave gjatë muajit të Ramazanit.
Dhe menjëherë u ngrit kori i zakonshëm i moralistëve anadollakë që mendojnë se shteti duhet të drejtohet me ritet e tyre fetare.Ky është pikërisht dallimi midis shtetit modern dhe mentalitetit mesjetar.
Kosova nuk është teokraci.
Kosova është republikë kushtetuese, laike, europiane.
Presidentja e saj nuk është imame, nuk është hoxhë, nuk është predikuese fetare.
Ajo është garant i Kushtetutës, i shtetit dhe i orientimit euro-atlantik të Kosovës.
Pse kjo histeri është e rrezikshme?Sulmet ndaj Vjosa Osmanit nuk janë për një gotë ujë.
Ato janë për modelin e Kosovës që ajo përfaqëson.
– një Kosovë europiane
– një Kosovë me institucione laike
– një Kosovë të lidhur fort me SHBA dhe BE
– një Kosovë që vazhdon filozofinë politike të Ibrahim Rugovës
Ky model i shtetit modern është pikërisht ajo që shqetëson radikalët.
Sepse ata duan një Kosovë të mbyllur, provinciale, të kapur nga mentalitete orientale që nuk kanë lidhje me traditën shqiptare.Vjosa Osmani dhe linja RugovianeNë politikën kosovare ka pasur dy figura që kanë pasur legjitimitet të fortë ndërkombëtar
Ibrahim Rugova djeVjosa Osmani sotRugova ndërtoi identitetin politik të Kosovës si shtet europian dhe pro-perëndimor.
Vjosa Osmani po e vazhdon atë linjë me qartësi
orientim euro-atlantikmarrëdhënie të forta me SHBAreputacion serioz në institucionet europianeprofil shtetari modernNuk është rastësi që ajo është një nga politikanet kosovare më të respektuara në Perëndim.
Sulmet nga radikalëtSulmet vijnë nga disa drejtime
nga radikalët islamikë që mendojnë se feja duhet të drejtojë shtetinnga segmente populiste brenda LVV që nuk e durojnë një institucion të pavarurnga pjesë të opozitës që nuk ia falin pavarësinë politikePor në thelb është një reagim i vjetër ndaj një figure moderne.
Një e vërtetë që duhet thënë:Të respektosh besimin është qytetari.
Të imponosh ritet fetare mbi shtetin është fanatizëm.
Shqiptarët nuk janë popull teokratik.
Tradita jonë është kombëtare dhe laike.
“Kur feja përdoret për pushtet, humbet edhe feja edhe shteti.”
“Fanatizmi gjithmonë sulmon modernitetin, sepse moderniteti e nxjerr zbuluar.”
“Një republikë nuk drejtohet me rituale, por me Kushtetutë.”
Presidentja e Kosovës nuk ka nevojë të justifikohet pse pi ujë.Përkundrazi, ata që duan ta kthejnë politikën në tribunë fetare duhet të kuptojnë se Kosova është republikë europiane, jo kazermë ideologjike.
Mesazhi që sheh Perëndimi
Europa dhe Amerika e shohin Kosovën si një shtet të ri që duhet të mbrojë karakterin e tij perëndimor.
Dhe po, ata e monitorojnë me shumë vëmendje:
– orientimin politik të elitave
– retorikën radikale fetare
– ndikimet nga Lindja dhe nga qarqe islamiste
Në një botë ku tensionet mes Iranit, Lindjes së Mesme dhe Perëndimit janë reale, çdo shenjë radikalizimi në Ballkan është alarm strategjik për Perëndimin.Prandaj beteja nuk është për një gotë ujë.
Beteja është për çfarë Kosove duam.
Një Kosovë europiane në rrugën e Rugovës, apo një Kosovë të kapur nga mentalitete anadollake që nuk përfaqësojnë as historinë dhe as të ardhmen e shqiptarëve.Albert Zadrima.
_____
Pra, Majlinda Grajçevci, thekson dhe sqaron me të drejtë, se:
Po bëhet një manipulim i madh me këtë temë.
Kosova nuk është shtet fetar, por shtet laik. Këtë e garanton Kushtetuta e Republikës së Kosovës. Presidentja nuk është imame e një feje, por presidente e gjithë qytetarëve – edhe të atyre që agjërojnë, edhe të atyre që nuk agjërojnë.
Pirja e ujit nga Vjosa Osmani në mes të ditës nuk është as skandal dhe as mungesë respekti. Në një shtet laik askush nuk ka detyrim të agjërojë, as presidentja.
Edhe shembulli me Thomas Jefferson përdoret gabim. Ai nuk krijoi traditë iftaresh në Shtëpinë e Bardhë; thjesht shtyu një darkë në vitin 1805 për një diplomat mysliman. Tradita e iftarit në Shtëpinë e Bardhë filloi shumë më vonë me Bill Clinton në vitin 1996.
Po ashtu presidentët amerikanë si George W. Bush, Barack Obama, Donald Trump apo Joe Biden kanë organizuar iftare për komunitetin mysliman si gjest diplomatik dhe respekti për pluralizmin. Ata nuk agjërojnë për myslimanët dhe nuk ndalojnë të pinë ujë gjatë ditës.
Respekti për një fe nuk matet duke detyruar gjithë shoqërinë të sillet sipas një rituali fetar. Respekti matet duke garantuar lirinë që secili të agjërojë ose të mos agjërojë.
Kosova është shtet i qytetarëve, jo i një feje të vetme.
