Një përgjigje zyrtare nga Selia e Shenjtë
Lëvizja për Rikthim ka pranuar një përgjigje nga Sekretaria e Shtetit e Vatikanit, në lidhje me kërkesën tonë për njohjen e Republikës së Kosovës nga Selia e Shenjtë.
Kjo letër dëshmon se zëri ynë është dëgjuar dhe se çështja e njohjes së Kosovës është paraqitur në instancat më të larta të Kishës Katolike.
Më poshtë, dokumenti i plotë,
Vatikan, 25 mars 2026 Nr. 3596/26/RS
E nderuara Zonjë,
Në përgjigje të letrës Suaj drejtuar Atit të Shenjtë Papa Leone XIV, e cila i është përcjellë kësaj Sekretarie të Shtetit përmes postës elektronike më 17 nëntor 2025, me të cilën Ju, në emër të popullit të Kosovës, keni paraqitur kërkesën për njohjen e Republikës së Kosovës nga Selia e Shenjtë, duke Ju falënderuar për letrën Tuaj, dëshiroj t’Ju njoftoj se është marrë në konsideratë ajo që keni shprehur.
Duke Ju shprehur konsideratën time të lartë,
Ju përshëndes me respekt. (+ Paul R. Gallagher) Imzot Paul R. Gallagher Sekretar për Marrëdhëniet me Shtetet dhe Organizatat Ndërkombëtare.
Kjo përgjigje i është drejtuar Zonjës Dr. Luljeta Pula, Drejtoreshë e Marrëdhënieve Ndërkombëtare të Lëvizjes për Rikthim , në PRISHTINË
