Akademik Abdulla Mehmeti, Tetovë
NJË BIOGRAFI PËR AUTORIN
Publicisti Nafi Çegrani lindi në Çegran të Gostivarit, ku e kreu arsimin fillor. Kurse shkollën Normale « Zef Lush Marku » për mësues e kreu në Shkup. Aty diplomoi edhe Akademinë Pedagogjike. Studjoi gjuhën dhe letërsinë shqipe. Ishte gjenerata e parë në Fakultetin e gazetarisë në Shkup, të cilin e diplomoi në Tiranë pas daljes nga burgu.
… Që nga vitet e rinisë është marrë me shkrime, duke botuar skica letrare, reporthazhe dhe artikuj të ndryshëm në gazetat dhe revistat e kohës si “Rilindja” , “Zëri i rinisë”, “Jeta e re”, “Jehona” , “Bota e re”, “Shkëndia” si dhe ato për fëmijë “Pionieri” , “Gëzimi” , “Fatosi” etj Ka botuar disa libra me poezi si dhe nga sfera e publicistikës !
Fillimisht punoi në arsim në malësinë e Gostivarit ku vetja i dukej si Migjeni në Pukë. Zatën , atje mbi kreshta ethepore e bjeshkë, u frymëzua me motive migjeniane! Në moshën 22 vjeçar u emrua si operativist i Shërbimit Inteligjent jugosllav e quajtur : UDB ! Nga këto rradhë herët, ndeshet me rrymat atnishqiptare dhe shoviniste, për çka edhe largohet fshehurazi, duke u arratis në SHBA. Për këtë UDB-a edhe do ti hakmerret rëndë.
Pas këthimit nga Amerika, me nisjen e demonstratave në Kosovë, në vjeshtën e vitit 1981 burgoset nga inspktorët operativë të UDB-së dhe KOS-it jugosllav, duke e kidnapuar në pranga, depërtohet në burgun famkeq të Zenicës në Bosne, ku edhe i kurdisen akuza të manipuluara dhe Proces i inskenuar gjyqsor, duke e dënuar me vdekje-pushkatim!
Por, ai mbeti gjallë dhe i pathyer me dinjitetin e tij përballë intrigave të nëntokës udbashiane të viteve komuniste.
Autori, edhe në librin « Udba dhe spiunët » bën një zbërthim të çështies delikate, analizon fenomenet e veprimtarisë strategjike të UDB-së dhe spiunazhit politik jugosllav të viteve të rrënuara komunterniste, që ishin një shablon i KGB ruse. Ai shtjellon disa aspekte nga këto sfera, dhe sipas bindjeve të tija ideologjike dhe patriotike, jep një mesazh të qartë për shqiptarët të cilët duhen të ruajnë dinjitetin e tyre, të jenë në rrugën e drejtë të kauzës kombëtare përballë stuhive, dhe të mos shndërrohen në « masha të ndryshkura » -, siç thotë shpesh Nafi Çegrani.
Shkrimtari Nafi Çegrani
Libri i tij i radhës, njashtu hedh dritë mbi disa aspekte dhe fenomene të veprimtarisë operative të Shërbimeve jugosllave të kohës, e që mbeten trajtime të veçanta në gjithë këtë histori delikate të situatave të brendëshme dhe fate tragjike njerëzish, veçmas shqiptare, në këtë cep të Ballkanit.
