DEKLARATË PUBLIKE
Një vit përballje – një vit qëndresë kombëtare !
Sot shënojmë një vit nga hapja e zyrës së Lëvizjes së Deçanit – Dega në Mitrovicë. Një vit që nuk ishte thjesht organizim, por përballje e drejtpërdrejtë me ata që përpiqen ta zbehin, deformojnë dhe zëvendësojnë identitetin tonë kombëtar.
E nisëm këtë rrugë me vetëm 4-5 aktivistë. Sot jemi rreth 100 – dhe ky numër nuk është statistikë, por dëshmi se ndërgjegjja shqiptare nuk është shuar dhe nuk do të shuhet.
Gjatë këtij viti, kemi parë diçka që i ka shqetësuar tej mase kundërshtarët tanë: shqiptarë që rikthehen te vetvetja. Njerëz që erdhën me zemër shqiptare, por me emra të huaj për traditën tonë, dhe që dolën me emër e dinjitet shqiptar. Emra si:Amerikani, Shqiptari, Gjergji, Aleksandri, Kastrioti (1, 2, 3), Skënderi, Jozefi, Shkodrani, Marini, Flamuri,Fitim Doni, Edmondi , Dardani, Teuta, Afërdita , Manjola , e shumë të tjerë – sot janë simbol i një kthimi të vetëdijshëm, jo i imponuar.
Veçanërisht krenarë jemi për Shalën e Vendit – Bajgorën, ku mbi 50 bashkëkombës kanë ndërmarrë hapa konkretë në këtë rrugë. Kjo nuk është rastësi. Është dëshmi se rrënjët e forta nuk shkulen lehtë.
Ky realitet ka tronditur ideologët e islamit politik dhe militantët e tyre. Ata kanë reaguar siç dinë: me shpifje, kërcënime, etiketime dhe përpjekje për shantazh përmes portaleve dhe propagandës së tyre. Na kanë quajtur me çdo emër – por një gjë nuk mund ta ndryshojnë: faktin që ne jemi në të drejtën tonë.
Le ta themi qartë:
Ne nuk kemi përfitime materiale.
Ne nuk kemi agjenda të fshehta.
Ne kemi vetëm një mision – mbrojtjen e identitetit tonë iliro-arbëror.
Dhe për këtë nuk kërkojmë leje nga askush.
Ne nuk frikësohemi nga ideologjitë e importuara, as nga lindja e as nga veriu. Historia na ka mësuar se çdo ideologji që tenton të zëvendësojë identitetin shqiptar është e përkohshme. Ndërsa ne – si komb – jemi të përhershëm.
Ne jemi mbi çdo fe shqiptarë.
Kombi për ne është amanet – dhe amaneti nuk negociohet.
Rruga që kemi nisur nuk ka kthim prapa. Përkundrazi – do të zgjerohet, do të forcohet dhe do të thellohet, në Mitrovicë, në gjithë Kosovën dhe në diasporë.
Një vit ishte vetëm fillimi.
Zoti e bekoftë kombin shqiptar! 
