Nuk ndalen iranianët, derisa ta bëjnë Iranin e lirë dhe vend demokratik

Iranianët janë popull me civilizim të lashtë dhe në histori të njohur që nga perandoria perse ndërsa botës i kanë dhënë mjaft në disa fusha posaçërisht në letërsi, astronomi, filozofi, shtetbërje etj. Ky popull është i zgjuar, lexon, studion, janë të organizuar dhe mbajnë dije e kulturë. Kam pasur rast t’i takoj disa prej tyre!

Çka po ndodhë tani në këtë vend dhe pse? Kur ka nisur çdo gjë?

Në 20 vitet e fundit në tërë lindjen e mesme rritja më e madhe e të krishterëve ungjillorë është pikërisht në Iran dhe tashmë numri më i besueshëm është rreth 3.5 milionë të krishterë protestantë.

Dua të them me këtë fakt se hapja e shoqërisë iraniane si dhe kundërshtimi i pushtetit të mullave dhe braktisja e islamit si mënyrë jete e qeverisje nuk është e këtyre viteve por së paku e dy dekadave të fundit.

Kjo që po ndodhë tani në Iran tregon diçka në fakt edhe sa universale po aq edhe për secilin individ a grup kudo:

1. A ke mbjellë dhunë? Dhunë do të korrësh! Dihet thënia e artë biblike: çka mbjell atë korrë!

2. A e trajtove tjetrin dhunshëm, qoftë edhe anëtarin e familjes a vetëm grup a një shoqëri të tërë? Atëherë edhe ti si dhunues dhunshëm do të hiqesh! Kjo dhunë do rritet e shtrihet aq shumë sa një ditë do të përpijë edhe ty! Dhunuesi veç dhuna e tij do e hajë madje pa e ditur!

3. A mbolle urrejtje ndaj krejt tjerëve? Kjo urrejtje do rritet e rritet dhe do vijë kundër teje dhe gjithë fryteve të tua!

4. Nuk mund të mallkosh natë e ditë tjetrin siç ka bërë pushteti i mullave iranianë dhe plot myslimanë të tjerë, kundër sikurse Izraelit ta zëmë ose perëndimin në përgjithësi apo edhe myslimanët tjerë veç pse janë ndryshe, mallkime e urrejtje tërbuese madje edhe nga faltoret e tyre, e mos të biejnë gjithë këto mallkime qe 50 vjet mbi qafën tënde dhe pasardhjen tënde!

5. Gjithë ato rrena e mashtrime të sajuara kundër tjerëve dhe po me mashtrime e sajime duke glorifikuar pushtetin e juaj, ideologjinë e juaj, religjionin e juaj do të bëhen një ditë pyje e furtuna e ujëra të trazuara sa do të shpërfaqin ty se je pa vlerë, lakuriq, bishë. Pra keni nisur me një rrenë e shpifje të vogël kundër tjerëve ndërsa do u përpijë bisha që e keni ushqyer vetë.

6. Përmes shtypjes njeriu ka ditur më së miri të kërkojë lirinë! Liria nuk zhduket kurrë nga zemra e njeriut. Veç të lirët e humbin lirinë!

Jezusi na kujton kur tha: bekoni dhe mos mallkoni; bekojeni ata që u mallkojnë; falni dhe mos urreni; bëjini mirë edhe armikut tuaj; lutuni për ata që u keqtrajtojnë; mbretëria ime është paqe, drejtësi e gëzim; mos gjykoni se nuk do të gjykoheni; ju do ta njihni të vërtetën dhe e vërteta do t’iu bëjë të lirë; e mira do ta mund të keqën!

Tërë këto na tregojnë se e keqja jonë na kthehet jo në botën tjetër por tani. Ashtu sikurse në kontekstin e vërshimeve që i patëm në Kosovë natyra na foli neve kosovarëve se më keni dalë në shtigjet e mia. Gjykimi u bë tani!

Zoti bekoftë Iranin dhe gjithë banorët e tij!