Pirro Prifti, Tiranë
Protesta e djeshme edhe një herë vërtetoi atë që e dinin të gjithë por se disa në atë protestë bënin sikur nuk e dinin apo kishin detyrime, – do të dështonte.
Problemi i Opozitës shqiptare nuk ka të bëjë fare me problemet që ka Shqipëria, dhe se fraza e thënë dhe e përsëritur disa herë nga militantët-gazetarë `që Shqipëria është në pikë kritike` , në fakt është për vetë opozitën, që problemet e saj të brëndëshme i sheh sikur janë të Shqipërisë. Shqipëria ka probleme të tjera të mëdha dhe për zgjidhjen e tyre duhet pa tjetër opozita që të japë mendimin e saj. Në realitet çfarë po ndodh? Opozitarët që e ndjekin dhe drejtuesi i saj non gratta kanë vënë në zbatim tre elementë kryesore në strategjinë e saj për të marrë pushtetin të cila gjithsesi kanë dështuar pikërisht sepse janë pa baza reale:
-Zbatimin e Propaganës tip Goebels e cila bazohet tek hedhja e një gënjeshtre e cila po të përsëritet çdo ditë vjen një moment që publiku fillon të besojë se kjo nuk është më gënjeshtër, apo siç e shpreh populli ynë: `shpif shpif se di çka do të mbetet`…
-Elementi i dytë është edhe më paradoksal: të gjitha shkeljet, gabimet fajet që ka bërë individi apo vetë partia nëpërmjet gazetave, portaleve, mediave, tu faturohen kundërshtarëve, sepse kundërshtarët sado që do të hyjnë në debate apo diskutime nuk mund ti mohojnë plotësisht ato, sepse gjatë një qeverisje të zgjatur edhe kundërshtarët do bien në këto shkelje si p.sh., në ato të tenderave.
– Elementi i tretë i përfshin dy të parat por ve çon në atë që quhet zhurmues ose siç e quajnë mjekët dominantja e Utomskit (një teknikë manipuluese retorike, pra nje term që përdoret për çvendosjen e vëmëndjes gjatë debateve- ose si ç quhet në psikologji- ose fixed delusion).
Shqipëria ka nevojë për një Opozitë të fortë konstruktive dhe me plot ide që do të ndihmonte të integrohej sa më parë në BE, dhe sigurisht të bashkëpunonte me maxhorancën, sidoqoftë kryesorja është që për qëllime të përbashkëta, si integrimi i Shqipërisë, bashkëpunimi më Kosovën, përpjekjet për të ndihmuar drejtuesit e UÇK, rregullimi i Drejtësisë- duhej që të dyja të ishin me një zë . por ç`ndodh? Kryestari i Opoztës sillet ndryshe duke dëmtuar imazhin e Shqipërisë në BE, KE, në asambletë e partive popullore, derdhur vrer brënda dhe jashtë vendit e duke nxirë Shqipërinë. Sigurisht kjo nuk ëshë diçka për tu përkrahur, por tregon se opozita e tanishme nuk idealiste dhe njerëz me vizione për atdheun. Duke patur një drejtues non gratta nga dy shtetet që na përkrahin më shumë SHBA dhe Anglia, duke qënë i pandehur ( gjë që e cila duhet parë nëse gjykata do ta dënojë apo jo), Partia Demokratike është copëtuar në disa pjesë dhe ka pjellë disa partiçka të vogla të cilat më tepër e dëmtojnë Opozitën sesa e ndihmojnë.
Përse bashkimi i Opozitës nëpërmjet idesë deluzioniste të non-grattës i ngjan krijesës së shëmtuar si ajo që që krijoi Frankeshtajni..? Sepse ky copëtim i Opozitës, dhe dëshira e non grattës për të bashkuar copat e ndara dhe të kontaminuara me ish-ërat e komunizmit, i ngjan me siguri dëshirës së Frankeshtajnit për të bërë një qënie të re e cila i doli e shëmtuar.
Historia e Victor Frankenstein është është personazhi kryesor në romanin Frankenstein të Meri Shelli. Ai është një shkencëtar italo-zviceran, i cili pasi studion proceset kimike dhe prishjen e qenieve të gjalla, fiton një pasqyrë për krijimin e jetës dhe i jep jetë krijesës së tij, shpesh të referuar si përbindëshi i Frankenstein, etj. ose shpesh në mënyrë kolonike përmendet thjesht “Frankenstein”. Frankeshtainit më vonë i vjen keq për ndërhyrje me natyrën përmes krijimit të tij, pasi ai rrezikon pa dashje jetën e tij, si dhe jetën e familjes dhe miqve të tij, kur krijesa kërkon hakmarrje ndaj tij.
Kjo menyrë për të dominuar me çdo kusht politikën me qëllim që të shmangë përgjegjësitë personale duke përdorur vehten dhe militantët e partisë si gurë shahu, si dhe për të bërë diçka që nuk përshtatet demokracisë në Shqipëri, duke përdorur një parti opozitare nga më të rëndësishmet në protesta të dhunshme, apo veprime aspak etike dhe morale brënda dhe jashtë parlamentit nga individë të rrethit të drejtuesit,- kur populli ka votuar maxhorancën me shumicë gati të cilësuar votash, kjo ngre pyetje të mëdha në drejtim të opozitës se si një opozitë kryesore nuk ka mundësi të shmangë drejtues të tillë qofshin dhe të rëndësishëm për të kur jo vetëm Opozita por edhe vetë Shqipëria ka nevojë për një opozitë bashkëpunuese për ta çuar Shqipëriënë aty ku populli shqiptar dje dhe sot e kërkon sipas parrullës së viteve `90 -`e duam Shqipërinë si Europa`, pra të integrohet në BE.
Protesta e djeshme mbetet një dështim skandaloz e cila ngre dyshime të forta nëse kjo opozitë kërkon një Shqiperi europiane të integruar, apo është një opozitë si partia e djeshme e diktaturës pra parti e një individi dhe e familjes së tij për të plotësuar nevojat e saj.
Së fundmi mund të shtoj se përpara se tu hidhen fajet të tjerëve kur vetë kjo parti është jo më pak si një krijesë Frankeshtajn, duhet që të veprohet po ashtu si Frankeshtajni në fund të veprës së tij- Largimi.
Pse? sepse krijesa e krijuar (pra opozita aktuale) është bërë e rrezikshme edhe për vetë drejtuesin e saj pikërisht për shkak të dështimeve të herë pas hershme gjatë qëndrimit në Opozitë. Sigurisht për shkak të termit ` fixed delusion`, ka pak të ngjarë që drejtuesi non gratta të iki vetë, por… me ndihmën e shokëve të partisë që u krijua dikur me ndihmën e një spiuni të MI5 që drejtoi vendin pas vdekjes së diktatorit, por për qëllime të tjera të cilat pjesërisht u realizuan me `sukses` nga kjo parti, si shkatërrimi i industrisë dhe i bujqësi-blegtorisë e cila shkaktoi emigrimin e qindar mijra njerëzve që ngelën pa punë, emigrim i cili vazhdon edhe sot..
priftipirro2017@gmail.com
