Gani I. Mehmeti
Vërtet, veprimtarëve të LDK-së iu është lëshuar goja, sa nuk lënë gjë pa vjellur kundër Qeverisë së Kurtit. Dhe, si për çudi, ky nuk ka qenë kaq i zëshëm në asnjë qeveri të mëparme, deri në Qeverinë Kurti II.
Ndoshta këtë e bën pse u prish qeveria e tyre e përbashkët në Qeverinë Kurti I, dhe ky, si një intelektual “ i fortë” nuk mundi ta pranojë lehtë prishjen e asaj qeverie, por se, në qeveritë e mëparme nuk i shihte milionat kah po shkonin dhe nuk po bënte fare zë.
Ai, me të cilin nuk po mund të pajtojë fare Gashi, është Kurti. Kurti i është bërë shibël në sy! Nuk ka lënë gjë pa thënë për katër vitet, e po vazhdon edhe tani në fushatë pa kurrfarë etike.
Madje, përkundër etikës, sulmon në mënyrën më të vrazhdtë, veçmas kundër Kurtit. Mua nuk më intereson shumë se kush humb e kush fiton, por mënyra e sjelljes së “intelektualëve” më mundon. Dhe, sa më shumë sulmon tjetrin, veten e ulë, aq më shumë kur nuk kujdeset në fjalorine tij, me çka është e çka nuk është. Kjo po tregon se i druhet fitores së tjetrit. Kjo do të ishte krejt në rregull, sikur ky me LDK-në të mos kishin qenë ndonjëhrë në pushtet, sikur të mos i ishin bërë vegël e partisë që më së shumti e sulmonin në të kaluarën, por i bënte bashkë sërish etja e madhe për pushtet.
Tjetër, të besosh se janë të pakorruptuar edhe këta, nuk mundesh. Kjo u vërtetua me mosvotimin e ligjit për konfiskimin e pasurisë së paligjshme.
T’i japësh tjetrit moral, duhet të jesh vetë më parë i moralshëm, ndryshe e dëmton veten më shumë.
Tani, me këto çirjet tuaja kundër Kurtit, nuk e di cili po bërtet më shumë. Por, me sa kam përcjellur, ai nuk ka bërtitur me emër kundër askujt, përveç kundër bandave krminale serbe.
Ti, tani do u dalësh atyre në mbrojtje?!
Kjo nuk është Rugoviste, as demokratike, në çka ju mbështeteni me fjalë, por kur u vie interesi personal, e harroni. Turp!
13 janar 2025
I nderuemi z. Gani I. Mehmeti!
Portali DRINI – të cilin e moderon z. Gjergj Kabashi, publikon tituj (shkrime) të cilat të zgjojnë kërsherinë për t’i lexuar. Vet titulli i shkrimit t’uaj më bëri përshtypje, ndaj e lexova me kujdes dhe po jap koment;
Nga shkrimi i juaj e veçova vetëm fjalinë me të cilën ju e përfundoni shkrimin, po citoj:
“Kjo nuk është Rugoviste, as demokratike, në çka ju mbështeteni me fjalë, por kur u vie interesi personal, e harroni. Turp!”
*
Ju lumt mendja dhe ju lumt dora!
Dr. Rugova shquhej, je vetëm për rezistencën paqësore kundër Serbisë. po edhe për diskurs paqësor politik.
Po e përmendi vetëm një nga thëniet e dr. Rugovës, po citoj:
“Vizioni im është që të kemi një Kosovë të pavarur, demokratike, me një shoqëri politikisht tolerante dhe me një ekonomi solide, e integruar në BE, në NATO dhe të vazhdojmë marrëdhëniet tona të mira me SHBA-të.”
Respekt,
Ismet M. Hasani, Suedi
P.S.
Dr. Ibrahim Rugova lindi dmë 2 dhjetor 1944 në Cërcë (Istog);
Jetoi 62 vjet; Vdiq më 21 janar 2006
u varros më 26 janar 2006, në Prishtinë