Prishtinë, 26 qershor 2022
Të nderuara media!
Duke u bazuar në zhagitjen e pagesës së 20 për qindëshit për punëtorët e ndërmarrjes “Rilindja”, nga Agjencia Kosovare e Privatizimit, pa nevojë, përfaqësuesit e ndërmarrjeve të “Rilindjes”, janë dakorduar që ditën e marte, më 28.6.2022, në ora 12, të organizojnë një tubim protestues para lokaleve të AKP-së, me kërkesë për përshpejtimin e pagesës së 20 për qindëshit.
Siç është e ditur, Qeveria e Republikës së Kosovës, që nga Viti i Ri në arkën e AKP-së i ka derdhur mjetët për pagesën e 20 për qindëshit. Me t’u derdhur të këtyre mjeteve , në AKP është thënë se ndarja e këtyre mjeteve për punëtorët do të bëhet në periudhën mars- qershor 2022, me tri rata. Edhe pse ishte kështu, kjo nuk ndodhi, përkundrazi procesi po zvarritet dhe nuk dihet se kur do të nisë.
Punëtorët nga ky tubim, do t’i dërgojnët mesazh të qartë Bordit të AKP-së, por edhe Qeverisë, që ta kryejnë obligimin dhe t’i japin fund diskriminimit disavjeçarë, që iu bë punëtorëve të kësaj ndërmarrjeje. Veç kësaj, nga ky tubim do t’ju dërgohen mesazhe Qeverisë dhe Kuvendit t’i përshpejtojnë procedurat për miratimin e plotësim-ndyshimeve për Ligjin e Pensioneve, në mënyrë që punëtorëve të “Rilindjes” t’ju njihen vitet e punës para viteve ’99, në mënyrë që te pensionuarit nga kjo ndërmarrje të marrin pensionet e plota.
Prishtinë, më 26.6.2022
Me respekt: Zeqir Bekolli
