Riosmanizimi sistematik e psikologjik si dhe fazat e instalimit të islamit politik

Afrim Musliu, Suedi

Riosmanizimi sistematik e psikologjik i trojeve shqiptare si dhe instalimi i islamit politik në katër faza:

1. Gjatë 16 viteve të fundit duke iu ofruar falas mijëra seriale turke të gjitha televizioneve private shqiptare, të cilat këto i transmetojnë nga disa herë në ditë 7 ditët e javës, me qëllim që t’iu imponojnë shqiptarëve edhe gjuhën, edhe fenë e edhe stilin e jetës turke;

2. Ndërtimi i mbi 900 xhamive të reja në Kosovë, e mbi 800 në vendbanimet shqiptare në Maqedoninë Veriore, e mbi 1000 në Shqipëri, të cilat, përmes altoparlanteve, deshte-s’deshte, patjetër ta imponojnë fenë islame;

3. Rrjetet sociale, portalet e shumta islamiste, si dhe afro dhjetë kanale televizive islame në grupin e kanaleve shqip, me qëllim të shpërlarjes totale të trurit të shqiptarëve, të cilët vijnë deri në atë fazë që janë në gjendje edhe të vrasin nē emër të islamit e të Turqisë;

4. Investimi dhe financimi në forca të reja politike me orientim fetar e pro-turk, me qëllim që të na prishin me aleatët perëndimorë, e posaqërisht me SHBA-të, të cilët janë gardierët dhe aleatët kryesorë të shqiptarëve, posaqërisht të Kosovës dhe shtetësisë së saj.

Sot, riosmanizimi dhe islamizimi i shqiptarëve ka arritë në një fazë shumë brengosëse.

Sot, shumica e fëmijëve të posalindur pagëzohen me emra nga Kur’ani, gjë që ishte një dukuri në zhdukje tek shqiptarët qysh para 30 viteve.

Sot, gjatë muajit të Ramazanit në shumicën e qyteteve të Kosovës lokalet hoteliere nuk shërbejnë pije alkoolike. Ndërsa në asnjë nga qytetet shqiptare shqiptare në Maqedoninë e Veriut.

Sot, në zemër të Evropës Turqia sërish ndërton xhami gjigante e më të madhen në Evropë, dhe e kthenë Kosovën në kohën e Sinan Pashës.

Sot, Turqia kërkon që mësimi i gjuhës turke të bëhet obligative nëpër shkollat e Shqipërisë. Sot, Turqia kërkon edhe ndërrimin e historisë shqiptare që Perandoria Osmane të duket si shpëtimtare e shqiptarëve, e jo si pushtues të egër.

Sot, Kosova e ka prishë miqësinë me vendet perëndimore e posaqërisht me SHBA-të.

Sot, shqiptarët i tregojnë Evropës se janë po të njejtët xhonturq siç ishin edhe më 1913/1914, 1917/1918, 1920/1921, e po të njejtët sikurse ata 50 000 xhonturq që shkuan në Çanakala për të luftuar për Turqinë, gjersa tokat shqiptare copëtoheshin pamëshirshëm nga armiqtë përreth.

Po e nesërmja?

Si do të dukemi nesër? Unë jam shumë i bregosur për të nesërmen e shqiptarëve.

Xhamia e Bresanes -Sharri-Prizren