Analizë politike dhe thirrje për vetëdijesim: Prekni kokën, o opozitarë, se nuk jeni kurrë kah.
Veprimet destabilizuese të Serbisë, dhe bojkotin e papërgjegjshëm të opozitës, që në këtë moment luan rolin që Serbia dëshiron.
Katër “pelegrinë” serbë janë arrestuar mbrëmë në Gjakovë – njëri toger i policisë së Serbisë, tjetri kapiten i ushtrisë! A thua vërtet vinin për pelegrinazh? Apo po matin terrenin për ndonjë ndërhyrje apo destabilizim?
Kjo është luftë speciale – një formë e re agresioni nga Serbia, që po tenton ta paraqesë Kosovën si të dobët, pa institucione dhe të përçarë.
Në të njëjtën kohë, opozita në Kosovë po e bllokon formimin e qeverisë. A nuk është kjo e njëjta lojë që e do edhe Vuçiqi? Një Kosovë e paralizuar dhe pa qeveri funksionale?
Koalicioni fitues LV-GUXO-ALT duhet me çdo kusht ta formojë qeverinë, qoftë edhe me njërën nga partitë opozitare që është e gatshme për përgjegjësi. Shteti nuk mund të mbetet peng i tekeve dhe shantazheve!
Nëse opozita vazhdon me këtë sjellje, atëherë nuk ka rrugë tjetër: zgjedhje të reja! Dhe në zgjedhje, populli do ta thotë fjalën e vet – pa pardon!
Kjo opozitë, bashkë me Listën e Vuçiqit, do ta ketë shumë të vështirë ta kalojë pragun.
Shteti është mbi gjithçka. Dhe kush i ndihmon Serbisë me bllokim të institucioneve – është po aq fajtor sa vet Vuçiqi!
