Shqiprim Pula i kërkon Qeverisë së Republikës së Kosovës inicimin e një draft-ligji për rregullimin e toponimisë

Qeveria e Republikës së Kosovës si propozuese e këtij ligji, në përmbajtje dhe qëllim, duhet të ketë ndryshimin dhe zëvendësimin e emrave otomanë dhe sllavë të: qyteteve, lagjeve, fshatrave dhe vendbanimeve për rikthyer toponiminë kombëtare dhe trashëgiminë autoktone Shqiptare.

Në kontekstin historik legjislativ, ekzistojnë modelet perëndimore të shteteve që i kanë bërë zëvendësimet e barbarizmave të tillë si p.sh., Spanja, Greqia etj., që kanë rregulluar marrëdhëniet juridike në shoqëri me emra autokton.

Përmbajtja dhe qëllimi i Ligjit

Ndryshimin dhe zëvendësimin e emrave me origjinë otomane dhe sllave të:

▪︎ qyteteve

▪︎ fshatrave

▪︎ lagjeve dhe vendbanimeve të tjera.

Zëvendësimin e tyre me emra Shqip, të mbështetur në:

▪︎ traditën historike shqiptare

▪︎ gjuhën shqipe

▪︎ forma më të vjetra autoktone (kur ekzistonin).

Synimet kryesore të Ligjit

Ligji do të ketë disa objektiva kombëtare, politike dhe gjuhësore:

▪︎ forcimi i identitetit kombëtar Shqiptar

▪︎ eliminimi i ndikimeve të huaja historike, veçanërisht ato otomane dhe sllave në emërtimet gjeografike

▪︎ standardizimi administrativ i territorit

▪︎ rikthimi i trashëgimisë autoktone, aty ku emrat e vjetër Ilir – Arbëror ishin zëvendësuar gjatë periudhave të mëparshme (ajo otomane dhe sllave).

Rëndësia historike e Ligjit

Ky ligj do të konsideroj një politikë kombëtare më të gjerë shtetërore për:

▪︎ rindërtimin e identiteti kombëtar të unifikuar

▪︎ konsolidimin e sovranitetit gjuhësor dhe kulturor.

Zbatimi praktik i Ligjit

▪︎ Krijohen komisione shtetërore për të identifikuar toponimet që duhet të ndryshohen.

▪︎ Institucionet lokale dhe qendrore të obligohen të përdorin emërtimet e reja në dokumentacion zyrtar.

▪︎ Në disa raste, emrat e rinj të jenë përkthime të drejtpërdrejta në shqip, rikthime të emrave të vjetër historikë-autoktonë apo emra të rinj me kuptim kombëtar.

Institucionet ndërkombëtare dhe ambasadat e huaja të akredituara në Republikën e Kosovës, t’u kërkohet emrat e rinj t’i shkruajnë dhe aplikojnë.

Ligji është i krahasueshëm me procese të ngjashme në vende të tjera në Europën Juglindore dhe më gjerë, ku shtetet e reja ndërmorën politika për riformësimin e hartës gjuhësore dhe kulturore të tyre.