12.000 SHQIPTARË TË MASAKRUAR NË FERIZAJ MË 23, 24 DHE 25 TETOR 1912.
U INJORUAN TËRËSISHT NGA INSTITUCIONET KOMUNALE…!
Janë qytetarët e Ferizajt, të udhëhequr nga patriotët Babë Hamit Troni dhe gjeneral Mehmet Gajur Bej Deralla të cilët më 23,24 dhe 25 tetor 1912, zhvilluan luftë heroike për mbrojtjen e qytetit të Ferizajt me rrethinë nga pushtuesit serb.
Gazeta gjermane “Reichpost” në artikullin e titulluar ” Kasaphanja serbe në Shqipëri, jep hollësi të mizorive serbe të kryera në vende të ndryshme.
12.000 shqiptarë janë masakruar në Ferizaj. Fatkeqët u grinë pavarësisht moshës apo gjinisë.
Lazër Mjeda,argjipeshkv i Shkupit, në raportin e tij dërguar Romës më 24 janar 1913,shkruan se në qytetin e Ferizajt kishin mbetur gjallë vetëm tre shqiptarë të moshës 15-16 vjeçare
Për këtë ngjarje gazeta serbe “Politika”, më 21 tetor 1912 shkruante: ” Në mëngjesë,kur agoi dita në vendin ku kishte qenë qyteti i Ferizajt, kishte mbetur shkrumbaja. Ai tani ekziston vetëm ne hartë.
Mjeku rumunë Leonte, më 6 janar 1913, raportonte në “Adeverul” të Bukureshtit:
“Një vajzë shqiptare 15 vjeçare nga Ferizaj ishte rrëmbyer dhe ishte dërguar në Kështjellën e Nishit. Ajo ishte e dyshimtë se ka hedhur bomba kundër serbëvë të cilët kishin hyrë ne Ferizaj.
E gjora vajzë e vogël e cila ishte ngarkuar me krim, iu dorëzua ushtareve serbë në vend se të dëgohej në gjyqin ushtarak.
Ushtarët i mëshuan në kafk me dajak derisa ia thyen kafkën grimca, grimca”
P.S.
Pyesim autoritetet e qytetit të Ferizajt,kompetentët në krye me kryetarin Agim Aliu, sa do të duhej të ishte numri i viktimave shqiptare në Ferizaj nga kjo luftë, që ju të vetëdisohuni dhe të ndërgjegjësohuni për t’i përkujtuar ?
“AI POPULL QË HARRON TË KALUARËN E TIJ HISTORIKE, ËSHTË I DËNUAR TA PËRSËRISË ATË “.
