Nusha Zhuba, Romë
(Anna Hida)
___
Shpesh herë jeton me diçka të veçantë, por nuk e vë re, se ajo traditë apo zakon nuk është aspak normal, vetëm se ty të duket shumë normale, edhe pse e thërret” hallë”, edhe pse kur flet dikush e quan “vajzë të ndenjun”, dhe shpesh ke dëgjuar se në shtëpinë tënde kanë jetuar dy “vigjnesha^, prap çdë gjë normale…por kur lexon që në Arkivat e Vatikanit, nuk ishte aspak normale atëherë kthehesh e mendon, po paskemi pasë diçka të veçantë.
Dua të falenderoj në veçanti ekipin e Emisionit të mëngjesit në ABCNews, gazetarët, Enkelin, Edin, Fabiolën, regjizore Arditën, dhe ekipin e regjizurës që janë shumë të përgatitur, të të mirëpresin në emision, por dhe të ndijmojnë që të ndjehesh sikur je në një ambjent familjar dhe ti tregon të rejat e fundit të një tradite shumë të vjetër të Tempujve paganë që ka ardhur gjer në ditët tona.
“Virgjneshat” zadrimore, që u veshën tërë jetën vetëm me rroba zadrimore të bardha,dhe që shumica e këtyre femrave edhe pse ishte një zgjedhje e tyre, sakrifikuan jetën e tyre në mbështetje të një kauze qindra vjeçare…
Sigurisht jo të gjithë mirëpresin të rejat, për xhelozi, për injorancë, për të bërë pak sociologun, për mos besim, por ja që çdo gjë është e vërtetë… Dhe të gjithë kësaj kategorie do u përgjigjem me fjalët e mençura të Brikenës aktiviste dhe studiuese: ” Vajzat e zadrimës i kanë qëndruar besnike zgjedhjes së tyre dhe familja i ka mbështetur, nëse kanë zgjedhur rrugën e Zotit nuk janë kthyer pamvarësisht pengesave, nëse i fejuari ka ndërruar jetë, nuk kanë dashur ta ndërrojnë me një tjetër, nëse ka ka prevalu nevoja sociale e familjes më shumë se martesa nuk e kanë menduar dy herë! Respekt për të gjitha ato femra zadrimore që ofruan e ofrojnë jetën e tyre për të mirën e dikujt tjetër.
Shih videon:
