Unë, pas përfundimit të shkollimeve ushtarake, kam kryer edhe trajnim specifik për njësitë e policisë ushtarake dhe ato kufitare. Me fillimin e luftës në Slloveni, më 29.06.1991, në kazermën time kalova në Ushtrinë Sllovene së bashku me njësinë kufitare që e kisha në stërvitje.
Pas përfundimit të luftës që zgjati 25 ditë, vazhdova karrierën në Ushtrinë Sllovene, ku kam qenë ligjërues dhe trajner i njësive kufitare sllovene. Në vitin 2002, pasi u largova nga TMK-ja, përpilova planin detal për formimin e Xhandarmërisë Kufitare të Kosovës, por institucionet e Kosovës atëherë nuk ishin të gatshme t’i hynin kësaj pune.
Gjatë gjithë kohës kam insistuar tek kolegët e mi në politikë dhe në FSK për nevojën e krijimit të kësaj force. Sot po shoh se Kryeministri Albin Kurti paska dhënë urdhër që Ministria e Punëve të Brendshme të fillojë procesin e formimit të Xhandarmërisë.
Dua t’ua sqaroj qytetarëve se xhandarmëria është një forcë e armatosur sigurie, e trajnuar dhe e pajisur për detyra specifike si:
Sigurimi dhe kontrolli i kufirit shtetëror
Luftimi i kontrabandës dhe krimit ndërkufitar
Luftimi i terrorizmit dhe grupeve të armatosura
Reagimi në raste krizash dhe trazirash të dhunshme
Kontrolli i zonave kufitare dhe objekteve strategjike
Mbështetja e policisë dhe ushtrisë në raste emergjente
Patrullimi i vijës kufitare dhe zonës kufitare
Operacione kërkim-shpëtimi në terrene të vështira
Kontrolli i migrimeve ilegale dhe infiltrimeve të armatosura
Mbështetja e rendit kushtetues në raste të jashtëzakonshme
Në Kosovë mendoj se rreth 1500 pjesëtarë të Xhandarmërisë do të ishin të mjaftueshëm për këto detyra.
Njësia speciale e Policisë së Kosovës mund të mbetet me stafin, detyrat dhe përgjegjësitë ekzistuese, por të kalojë në strukturën e Xhandarmërisë si njësi speciale intervenuese për luftë kundër terrorizmit, krimit të organizuar, trazirave të dhunshme dhe rasteve tjera specifike brenda territorit të Kosovës.
Xhandarmërisë së Kosovës duhet t’i shtohen:
stafi komandues dhe trajnues,
sektori për informim dhe planifikim,
strukturat mbështetëse dhe logjistike.
Në secilën zonë operative të Kosovës mund të vendoset nga një kompani e Xhandarmërisë, e cila do të kishte përgjegjësi për sigurinë kufitare në atë sektor.
Po ashtu duhet të përcaktohen qartë:
rregullat e funksionimit,
detyrat dhe përgjegjësitë,
kompetencat në vijën kufitare,
kompetencat në brezin kufitar 100 metra nga vija kufitare,
dhe në zonën kufitare deri në 20 km nga kufiri.
Këto rregulla duhet të përcaktojnë edhe obligimet dhe sjelljen e qytetarëve që lëvizin ose punojnë në zonën kufitare.
Sipas mendimit tim profesional, Xhandarmëria e Kosovës normalisht do të duhej të ishte strukturë në kuadër të Ministrisë së Mbrojtjes. Nëse për arsye politike apo ndërkombëtare vendoset ndryshe, atëherë mund të organizohet edhe në kuadër të Ministrisë së Punëve të Brendshme.
Ne këmi FSK, Policin e Kosoves, Policin kufitare , Njësin speciale , Drpartamentin e Emergjencave por Xhandarmëria është forcë mobile ndërmjet policisë dhe ushtrisë, trajnohet për terren malor, kufitar dhe operacione speciale,
duhet të ket komandë, doktrinë dhe mision të qartë
dhe nuk duhet të krijon mbivendosje e rivalitet
institucional.
Faktikisht i bjen përforcim , profesionalizim më të mirë i Njesis Speciale dhe Policis Kufitare egzistuese me emer Xhandarmëri .
Mendoj se nuk dohet të politizohet e të bëhet zhurmë e tepruar ( siq kan filluar ) gjat këti transformimi te njesis speciale policore dhe të kompletimit të xhandarmërisë .
Nuk është punë e komplikuar dhe e ndërlikuar por duhet pumë e jo fjalë me tupan !!!
