Lirim Gashi, Prishtinë
***
Politikanët dhe biznesmenët tanë kriminelë e kuislingë që u pasuruan deri në përmasa të paturpshme nga paligjshmëria dhe parregullësia, e që sot janë në opozitë, nuk kanë as vullnet e as interes që Qeveria aktuale ta vendos rendin dhe ligjin, e aq më pak ta kalon në Kuvend ligjin për vettingun dhe lustrimin.
Në ndërkohë, emisarët, zyrtarët dhe udhëheqësit e UMNIK-ut dhe EULEX-it nuk kanë as vullnet e as interes për të monitoruar ecurinë e vendosjes së rendit dhe ligjit, sepse rrogat e tyre janë aq të larta, saqë gjendja e pafundme e paligjshmërisë dhe parregullsisë u konvenon atyre shumë herë më shumë.
Çfarë rrugëdalje kemi ?
Ose të ikim të gjithë jashtë, gjë që është e pamundur, ose të marrim fatin në duart tona duke i hedhur në plehra të gjithë politikanët dhe biznesmenët kriminelë e kuislingë, ose të ndërgjegjësohemi mjaftueshëm për t’i bërë presion të arsyeshëm qeverisë aktuale, që të bëhet më e mirë në çdo aspekt.
Sepse edhe Linda Morina është më e mirë dhe më e dobishme se opozita që kemi.
Duke marrë parasysh se si ishte opozita jonë kur ishte në pushtet, atëherë duhet të bëjmë gjithçka të mundur dhe të pamundur që ajo të zhduket edhe nga skena politike, e lëre më të kthehet në pushtet.
Sepse jo vetëm që nuk është distancuar kurrë seriozisht nga kriminelët dhe tradhtarët në radhët e saj, por asnjëherë nuk ka bërë reforma të vërteta.
Ajo thjesht i ka vendosur kriminelët dhe kuislingët në plan të dytë dhe i ka vendosur në plan të parë djemtë, vajzat, mbesat dhe nipërit e tyre.
Megjithatë, prindërit dhe gjyshërit kriminelë dhe kuislingë gjatë gjithë kohës i drejtojnë djemtë, vajzat, mbesat dhe nipërit e tyre me telekomandë nga prapaskena, sipas interesave të tyre mafioze dhe kuislinge.
Ndaj, reformat me të cilat mburret opozita, jo vetëm që nuk kanë ndodhur kurrë, por janë thjesht një mashtrim i paskrupullt optik për sytë e shqiptarëve naivë, që nuk dinë ta dallojnë as mjaltin prej m…!
___
Autori është Kryetar i Forca e Diasporës, me seli në Prishtinë
