Gani I. Mehmeti
- Vulin: Vuçiq është në të vërtetë një engjëll paqeje,
- Wesley Clark është fajtori kryesor për gjithçka !
(Marrë më: 16 korrik 2024 në ora: 16:15, nga « Botya Sot »)
Eh, more Vulin! Sikur të ishte kështu si thua ti, do të ishim tepër të kënaqur, dhe do të ishim të kënaqur të gjithë, jo vetëm ne shqiptarët që kemi hequr të zitë e ullirit prej jush, prej këtij farë « engjêllit » siç e quan ti.
Dhe, nëse Vuçiq qenka « engjëlli » i paqes, nuk paska djall, nuk paska dreq, nuk paska shejtan, as nalet!
Vulin, nuk duhet të kënaqesh me vuajtjet e tjetrit dhe të tjerëve, se deri nesër do ta pësosh vetë.
Vulin, ti që e quan Vuçiqin «engjëll«, atëherë mund të na tregosh se si është djalli?
E di ti Vulin, se mbi 1600 civilë shqiptarë ende janë të pagjetur, prej kohës kur Vuçiq ishte ministër në kohën e luftës së vitit 1999 ! Vallë, engjujt vrasin fëmijë, vrasin pleq e plaka ? Vulin, mund të të japë me mijëra emra civilësh të vrarë në vitin 1999, në kohën kur ky « engjulli » yt ishte ministër ! Ishte Ali Jaha 90 vjeçar, i Reçicës së Mavriqit të Llapit, mik i shtëpisë sime që u vra prej këtij « engjëllit » tënd !
Vulin, po të them një gjë: Me këtë si ti e quan Vuçiqin, ke ofenduar rëndë Engjëllin, sepse kështu si është Vuçiq, është një vrasës, është një kriminel që vazhdimisht kërcënon Kosovën, ani që në të janë trupat paqësorë të NATO-s.
Vulin, a s’më tregon përse janë trupat e NATO-s në Kosovë, mos pse Vuçiqi yt qenka « engjëll paqësor » ?!
Vulin, me këtë që e thua ti, tregon dobësinë tuaj se nuk di të dallosh engjullin nga djalli ! Shko lexo literaturë dhe e gjen shpjegimin !
Për fund : Vuçiq është « engjëll », pikërisht pse në Kosovë është KFOR-i në kuadër të NATO-, pra për të ruajtur paqen, jo nga shqiptarët që nuk mbahet mend të kenë sulmuar dikë, por nga ti me atë « engëllin » tënd !
Wesley Clark-un, Vuçiqi me shokë të tij, me në krye kasapin e Ballkanit, e detyruan të vinte në Kosovë, për të shpëtuar nga gjenocidi shqiptarët prej « engjëllit » tuaj. Tani mendo, engjëll është ai që vret, apo ai që shpëton njerëzit nga vrasjet!
