Ujk Bardhi, Shkodër
Gjithsecili nga ne duhet ta dojë të sotmen në të cilën jeton e vepron, të bashkëpunojë e ndërkomunikojë me të tjerët për të mirën e njerëzimit në mënyrë që ta ndërtojnë atë duke e begatuar për vete dhe për të tjerët, çdonjëri të veprojë me energji pozitive… por, kjo nuk do të thotë se nuk duhet të interesohet për ta njohur sa më mirë të kaluarën e tij në mënyrë që të mos e manipulojnë të tjerët, sepse jemi dëshmitarë se një pjesë e botës është djallëzuar, tek ata primare është intetesi klanor e personal dhe për ta përmbushur këtë ves biologjik e madje me përmasa animale ata janë të gatshëm të shkelin edhe mbi viktima(kufoma)….sepse ata i bashkon vetëm interesi…., ky soj janë të dëmshëm për çdo shoqëri të qytetëruar…
Madje ai që e prish kullën e vet, dhe me gurët e saj, po mundohet ta ndërtojë kullën e tjetrit në emër të një diçkaje që s’ka bazë të shëndoshë…ai e ka kot…sepse po se deshte tënden ti nuk mund ta duash të huajën…, ti vetëm se e rrenë vetveten sepse të tjerët që janë me mendje esull e me sy të hapur s’i mashtron dot…sa të duash të japësh “fetfa”..?!
Për vetë faktin që, asgjë nuk fillon me të sotmen pa qenë e djeshmja ashtu si nuk do të kishte të nesërme apo ardhmëri të ndritur pa të sotmen e qëndueshme dhe largpamëse…zatën dhe lisi nuk qëndron as në kohë e as në hapësirë pa rrënjët e veta të kapura fort për tokën ku ka mbirë e të cilat e ushqejnë në mënyrë të pandërprerë por dhe e mbajnë vertikalisht trungun e tij për të mundë t’i mbajë ai degët e veta të shtrira madje dhe me mgarkesat e stinëve të një moti të keq….
