Në foto: Sali Berisha me Anastasios Janullatosin, tashmë të ndjerë
Prirro Prifti, Tiranë
Nuk mund te mos shprehen problemet e rënda që po kalon opozita sot dhe Partia kryesore Opozitare e cila humbi per here te katert zgjedhjet Parlamentare.
Shkaqet dhe Faktorët e humbjes janë të shumta por kryesorja është sepse Partia Demokratike dhe Opozita nuk u përpoqën për të marrë pushtetin nëpërmjet votës me qëllim që të përirësohet gjëndja dhe të bëhet një rotacion I domosdoshëm, me qëllim që Shqipëria të integrohet në BE dhe të luftohet korrupsioni duke mbështetur Drejtësinë e re qoftë edhe me plot të meta. PD dhe Berisha luftuan vetëm që të zënë vëndet e tyre në parlament duke nënvlerësuar nevojën e domosdoshme që ka Opozita për të sjellë njerëz të rinj meritokratë dhe profesionistë në drejtim, me qëllimin e madh ta bëjnë Shqipërinë Madhështore.
Por Shqipëria Madhështore nuk bëhet me njerëz dhe politikanë të ezauruar , grindavecë, që nuk dinë të artikulojnë një frazë të vetme pa përdorur fjalë banale dhe pa shpifur e pa bërë rrëmuja duke dëmtuar imazhin e tyre personal por edhe të Shqipërisë.
Atëhere e si mund të fitojë një Parti e tillë Opozitare me këta njerëz të marrë fund sigurisht dhe me një kryetar që nuk do të japë dorëheqjen kur humbet? Dorëheqja është një veprim i kulturuar jo vetëm për një drejtues por edhe për çdo politikan që ka marrë një mandat nga populli.
Justifikimet per vjedhje massive votash, ankesat qe do te behen ne Bruksel, dështimi që u shkaktua nga La Civita, mungesa e nje platforme te vërtetë opozitare, vendosja ne listën e mbyllur të individëve që janë prej vitesh në Parlament por që nuk kanë patur asnjë cilësi profesionale apo meritokracie përveçse zënkave, gridnjeve, shpifjeve, dhe arrogancës, qoftë në parlament ashtu dhe në media, mbajtja larg e elementëve të rinj dhe me përspektivë apo edhe e individëve që kanë patur elektorat të fortë në zonat e tyre,- ishin shkaqet kryesore të humbjes së PD në këto zgjedhje.
Problemi tjetër ka të bëjë me vetë kryetarin e Partisë i cili nuk repsekton statutine vetë PD në të cilën shkruhet që nëse Partia humbet zgjedhjet … Kryetari automatikisht largohet nga Posti dhe realizohen zgjedhje të reja brënda Partisë. Pra një faktor tjetër interesant dhe zhgënjyes është mos respaktimi I Statutit të Partise. Kjo mungesë respektimi u vu re edhe në realizimin e primareve në të cilën personat fitues nuk përfituan për tu futur në listën e mbyllur.
Elementi tjtetëri i rëndësishëm jashtë problemve partiake është sigurisht Kodi Zgjedhor I cili është proporcional rajonal, një kod i cili:
-pengon pjesmarrjen e lirë të kandidatëve pa lista të mbylluara dhe së dyti
-pengon numurimin e votive në total për cdo Parti duke pamundësuar partitë e vogla që të marrin më shumë deputetë
-duke qënë një Kod i tillë Zgjedhor lejon vetëm një Demokraci Militante dhe jo një Demokraci ku pjesmarrësit të jenë jo vetëm të klaneve partiake por të mundësojnë edhe njerëz dhe individë të tjerë me integritet dhe të panjollosur, dhe të lirë për të vendosur pjesmarrjen në zgjedhje.
-Mungesa e krijimit të një lobi të tretë opozitar, pengoi në zgjedhjet e fundit që Opozita e re e fraksionuar me 5 parti të vogla për shkak të interesave egoiste të kryetarëve të këtyre partive të vogla të mos bashkohen në një Opozitë të re e cila mund të merrte deri në 19020 vënde në Parlament në vënd të 7 vëndeve që mori pikërisht për shkak të egoizmit politik provincial.
Që Shqipëria ka nevojë për rotacione pushtetesh kuptohet se është e domosdoshme, por prania e një opozitë të tillë e cila sakrifikon Projektet dhe Programet e Partisë për mbijetesën e Individi qoftë ai dhe kryetar për një kohë të gjatë me të mira dhe të këqijat e tij- e pengon Partinë më të madhe opozitare të fitojë në zgjedhje sepse populli nuk është injorant dhe shikon dhe vlerëson qëndrimet e kësaj opozite e cila jo vetëm që nuk është e fortë dhe e konsoliduar , por edhe e përçarë në shumë parti të tjera të vogla votat e fituara të së cilës janë marrë nga elektorati I Opozitës kryesore.
Gjithmonë kam qënë kundër votimit të emigrantëve. Pse? Sepse Zgjedhjet, qofshin ato Parlamentare, qofshin loklae kanë nevojë të votojnë taksapaguesit shqiptarë dhe jo ata që janë shqiptarë por që nuk paguajnë taksa dhe nuk banojnë më shumë se 1 vit në Shqipëri. Këtyre individëve emigrant, megjithë respektin nuk janë të azhornuar më problemet shqiptare dhe nuk kontribuojnë në Shqipëri por në vëndet e tyre- pra u ka ngeluar ora në momentin kur janë larguar. Të vetmit kandidatë për të votuar janë punonjësit shqiptarë që I ka dërguar shteti shqiptar, dhe ata shqiptarë që mund të kënë të ardhura për familjet e tyre në Shqipëri më shumë se 10 mijë euro në vit.
Në përfundim mund të shpreh se Opozita e sotma pavarësisht se ka marrë 500 vota dhe ka fituar 50 vënde në Parlament e ka të nevojshme të reformohet duke larguar në rradhë të parë Kryetarin humbës të saj prej vitesh sepse ai e ka kthyer Partinë një instrument personal për të mbrojtur veten nga ligji. Nëse nuk e bën hapin e parë kjo Opozitë atë here do ta humbasë rolin e saj si Opozitë kryesore. Vëndin e saj mund t`ja zënë partitë e reja opozitare. Më kryesorja jo vetëm për PD por edhe për paartitë e reja opozitare është ndryshimi rrënjësor I mentalitetit konkurues në zgjedhje, pra së pari duhet të respektojnë ligjet dhe pushtetet duke sugjeruar edhe ndryshime ligjore përkatëse si ato që shkruajta më lart, së dyti duhet të largojnë individët rrugaçë dhe agresive që e kanë më të lehtë të shiten dhe të blihen sesa të mendojnë për atdheun e tyre, sepse një Individ politikan që thotë se … po erdha unë në pushete do tu a japp grekve detin, do të shkatërroj SPAK-un, do të prish e-albania, etj, etj, gomarllëqe shpellare- kështupopulli nuk ta jep votën por mendon: më mirë një të keqe më të vogël se sa ti japim votën një përbindëshi ish komunist.
