BËRRYLASH
____
Kenka dalë po flet Myftiu
Aq me zell e me plot hugjut,
Gati toka sa s’na përbiu,
Sa larg na gjuejti bre, me hudut!
*
Fort po i rrehë kumontë e huaja,
Tue i dhânë davran telalli,
Bani iu bâ kabull duaja,
Na muer dreqi, do t’na merr djalli!
*
Ka bâ pare rrast delenxhia,
Prej dy duarve i ka bâ dhetë,
Kur pat nisë me iu ndalë taxhia,
E dha alarmin drejt në Hyrjet!
*
Për fjalë t’tij turmat drejt Shamit,
Pa e bâ hesapë as veten,
Shehid t’dreqit e t’satanit,
Pa e ditë kuj ia falin jeten!
*
E kur flet me aq zjerm shpirti,
Ta merr mendja s’ka k’si shqiptari,
Mos shpurdh n’jetë të k’tij ¢afiri,
Dreq punëdhânës del gospodari!
*
Eh, t’lumtë ne për turmat tona,
Që symshelun ia puthin doren,
Me bejte e sure iu del sezona,
Myhyb te dreqi heret dorë moren!
…
Mentor Thaqi
25 Dhjetor 2022
