Ish-Presidenti i Serbisë Nikoliq, duke e nderuar me dekoratë Saqipin, kryeimamin e Luginës së Preshevës…!
Nga: Luan Dibrani, Gjermani
Numri i hoxhallarëve të lidhur me Serbinë po rritet nga dita në ditë. Nga Presheva në Bujanoc, nga Novi Pazari deri në Prishtinë, ata që paraqiten si prijës fetarë, në fakt kanë marrë rolin e spiunëve dhe tradhtarëve në shërbim të shtetit serb.
Bashkësia Islame në Serbi dhe ajo në Kosovë nuk janë struktura të pavarura, por vazhdimësi e aparatit të vjetër të UDB-së, sot e transformuar në BIA. Shumë prej tyre janë dekoruar nga presidentët serbë, kanë marrë pjesë në parakalime ushtarake të ushtrisë që ka kryer gjenocid mbi shqiptarët, dhe shfaqen publikisht në anën e atyre që mohojnë pavarësinë e Kosovës.
Këta nuk flasin për masakrat e 1998–1999, për përdhunimet, për varrezat masive ku ende gjenden trupat e shqiptarëve të zhdukur. Përkundrazi, ata ulin kokën para Beogradit dhe i shërbejnë politikave të tij antishqiptare
Sot është koha të thuhet hapur: BIK-u në Serbi e Kosovë është kolona e pestë e Serbisë në trojet shqiptare. Ata janë kundër UÇK-së, kundër pavarësisë, kundër çdo ideali për të cilin u derdh gjak shqiptari.
Pamje e ketij tradhtari ne amanetin e sherbimit nga bashkesia islame e Kosoves dhe Serbisë duke pranuar dekorate nga ish presidenti serb
Ky nuk është vetëm faji i individëve si Nexhmedin Saqipi, por i një strukture të tërë që ka rrënjë në shërbimet e huaja. Çdo shqiptar duhet ta kuptojë se nën petkun e fesë po fshihet një tradhti e madhe.
Tradhtia nuk ka asgjë të shenjtë. Sot kambanat bien: mos i pranoni më këta spiunë si prijës, por denoncojini si vegla të Beogradit.
