Diana Rexhepi, gazetare, Zagreb
Dritan Abazović, / Kryeministër i Malit të Zi (Potpredsjednik Vlade Crne Gore Dritan Abazović), paska deklaru se: “Pjesa më e madhe e malazezëve e ndjejnë veten serbë”. Mali i Zi sipas shenimeve ne vitin 2020 paska 621.718 mije banorë.
Duke u bazuar në këtë numër të banorëve në Mal të Zi dhe në deklaratën e Dritan Abazović, duhet që ai ti ketë takuar afër 400 mijë persona në Mal të Zi dhe t’i ketë pyetur:
“Si je, si po ndihesh?”, kurse afër 400 mijë veta t’i janë përgjigjur atij:
“Falemnderit në pyetje, po ndihem/i serb!”
Nëse, e ritheksoj nëse Dritan Abazović nuk është profet me germën e madhe Profet, atëhere ndoshta duhet ta përmendim deklaratën sinjifikante të psikijatrit prof.dr.sci Goran Granić, cili para disa vitesh i ftuar në emisionin e etabluar të televizionit shtetëror kroat HRT “Nedjeljom u 2” , në mes tjerash tha:
“Në shumë vende perëndimore ka disa njerëz, persona, të cilëve ua kishin veshur të ashtuquajtuarat “këmisha të bardha” dhe i kishin trajtuar me medikamente të forta në reparte të mbyllura psikiatrike, persona që janë të ngjashëm me disa persona në vendet ballkanike që bëhen politikan.”
E vëreni se si zëvendës/Kryeministri i Malit të Zi, Dritan Abazović, mbiemri me prapashtesën sllave i të cilit tregon qartë se ai ende ka probleme me asimilimin e detyrueshëm dhe nuk ndihet i barabartë në obligime dhe të drejta në vendin e vet, i përzihet në problemet e brendshme një populli tjetër, malazezve, që u janë nënshtruar proceseve të rënda asimiluese që nga viti 1918, kur ua zhbënë mbretërinë (Kralevinu Crne Gore) dhe shkatërruan Kishën Ortodokse Malazeze, të cilën edhe Sot po e lufton Serbia përmes politikanëve mercenar të tipit të Kryeministrit Krivokapiq, e për fat të keq edhe të shqiptarit që e zëvendëson atë, Abazović-it, por që ende nuk i ka qëruar problemet me asimilimin vetjak.
Dritan Abazović nuk e kuptoka se nuk mund të ketë “ndjenja” e as që mund të thuhet si “ndihen” malazezët sipas mendjes së keqe e të cekët të tij, por atij dhe të tjerëve u takon që të gjithë banorët e Malit të Zi të ndihmohen për tu përcaktuar për të vërtetën historike e etnike të njëmend që e kanë, për të cilën kanë shkruar e po shkruajnë një varg historianësh të aftë e me përgatitje të larta arsimore e shkencore në fushën e historiografisë, kryesisht nga radhët e vet crnagorve/malazezëve.
Zv/Kryeministri i Malit të Zi Dritan Abazović, andaj, përmes kësaj deklaratë fatkeqe e të turpshme për një udhëheqës të këtij niveli, ka dalur hapur përkrah politikës shekullore të asimilimit të malazezve nga ana e politikës serbomadhe.
Kjo krijesë e “epruvetës” së eksperimentimit e ingjenieringut politik, edhe Gjergj Kastriotin Skenderbeun e pati “shpallur si serb e bir të nanës serbe”, por që shpejt i hangër fjalët e veta .
Por, mos të harrojmë se pasojat e fjalëve e veprave të Abazović-ëve mbesin dhe helmojnë gjithandej.
