FEDERATA E ARBËRISË
Thirrje Kombëtare dhe Ndërkombëtare
Për Bashkimin e Trojeve Shqiptare në një Shtet të Vetëm – Shqipërinë Natyrale
Në emër të Federatës së Arbërisë, një organizim gjithëkombëtar shqiptar me bazë ligjore, kombëtare dhe ndërkombëtare, i ndërtuar mbi statut, rregullore dhe platformë të miratuar, i drejtohemi:
- Popullit shqiptar kudo që ndodhet,
- Institucioneve shtetërore shqiptare,
- Bashkësisë ndërkombëtare,
…për të filluar një proces historik, politik dhe juridik për ribashkimin e kombit shqiptar në një shtet të vetëm, të drejtë dhe natyror: Shqipërinë Natyrore.
- E Drejta e Shqiptarëve për Bashkim Kombëtar
Ndarja e shqiptarëve në disa shtete është një padrejtësi historike, rezultat i pazareve ndërkombëtare dhe regjimeve që kanë mohuar identitetin tonë.
Sot, shqiptarët jetojnë të ndarë në:
- Shqipëri (shteti amë),
- Kosovë (e pavarur, por me subjektivitet të papërfunduar ndërkombëtarisht),
- Maqedoninë e Veriut (shqiptarët janë autoktonë, por të diskriminuar),
- Serbi (Lugina e Preshevës),
- Mal të Zi (Plavë, Guci, Ulqin),
- Greqi (Çamëria e mohuar),
- Sanxhak,
- Diasporë.
Kjo ndarje bie ndesh me të drejtën për vetëvendosje, të garantuar nga e drejta ndërkombëtare.
- Shqipëria Natyrale – Jo e Madhe, Jo e Vogël, Por Ajo që Është
Kërkesa jonë nuk është për zgjerim apo pretendime të padrejta territoriale, por për bashkimin e trojeve historike shqiptare, të cilat padrejtësisht janë lënë jashtë Shqipërisë.
Shqiptare janë:
- Çamëria,
- Shkupi, Tetova, Gostivari, Dibrat (Ilirida) ,
- Plava, Gucia, Malësia,
- Presheva, Bujanoci, Medvegja,
- Sanxhaku, Toplica dhe shumë të tjera.
Rreth dy të tretat e trojeve shqiptare ndodhen sot jashtë shtetit shqiptar – kjo është një padrejtësi që kërkon drejtim të ri politik dhe historik.
- Platformë Kombëtare dhe Ndërkombëtare për Veprim
Federata e Arbërisë ka për qëllim:
- Përfaqësimin gjithëkombëtar për bashkim, në mënyrë demokratike dhe të ligjshme;
- Ndërtimin e një platforme kombëtare e ndërkombëtare për vetëvendosje;
- Forcimin e identitetit, gjuhës, kulturës dhe trashëgimisë shqiptare;
- Aktivizimin e diasporës shqiptare në këtë proces.
- Rreziku i Heshtur: Ekstremizmi Politik Islamik
Një nga kërcënimet më të rrezikshme ndaj unitetit kombëtar është ideologjia islamike ekstremiste, e cila:
- Mohon flamurin dhe pavarësinë shqiptare,
- Nuk njeh gjuhën, historinë e figurat tona kombëtare,
- Synon ta zëvendësojë identitetin tonë kombëtar me një agjendë të huaj fetaro-politike.
Federata e Arbërisë e refuzon me vendosmëri këtë kërcënim dhe u bën thirrje institucioneve të reagojnë në kohë.
- Thirrje për Bashkim dhe Veprim
Popull shqiptar, në Shqipëri, Kosovë, Maqedoni, Mal të Zi, Preshevë, Çamëri dhe Diasporë:
Ngrihuni në mënyrë paqësore, demokratike dhe të organizuar për të kërkuar ribashkimin e kombit shqiptar.
Institucione shqiptare:
Punoni për një platformë të përbashkët kombëtare dhe ndërkombëtare për bashkim.
Bashkësi ndërkombëtare:
Njihni padrejtësinë historike ndaj shqiptarëve dhe mbështesni të drejtën për vetëvendosje dhe zgjidhje paqësore.
Me përgjegjësi kombëtare dhe besim në të ardhmen,
NGA FEDERATA E ARBËRISË
Në shërbim të unitetit dhe të drejtësisë për kombin shqiptar
___
Të nderuar drejtues dhe përfaqësues të mediave shqiptare,
Mos e injoroni këtë thirrje. Mos e mbuloni të vërtetën. Koha do të vijë dhe do të kërkohen përgjegjësi nga të gjithë – përfshirë edhe ju, drejtues të mediave që keni për detyrë t’i shërbeni interesit kombëtar dhe jo agjendave të huaja, heshtjes së organizuar apo frikës së përditshme.
Mos kini frikë. Ky projekt nuk është i izoluar dhe as i pafuqishëm. Ai përfaqëson ndjenjën kombëtare, të drejtën historike dhe aspiratat e shqiptarëve kudo që ndodhen.
Kjo thirrje është :
Për popullin.
Për të ardhmen.
Për ndërgjegjen tuaj si shqiptarë.
Sqarim redaksive:
Kjo thirrje është dërguar për publikim nga Zëdhënësi i Federatës së Arbërit, z. Luan – Asllan Dibrani.
Nëse e konsideroni të domosdoshme ta bëni publike autorësinë ose burimin e këtij materiali, ju lutemi theksonie qartë se:
“Ky material është dërguar nga z. Luan – Asllan Dibrani, Zëdhënës i Federatës së Arbërit, deri në mbajtjen e Kuvendit Gjithëkombëtar, që do të zhvillohet në Tiranë, Prishtinë ose Shkup.”
