Pikëllim i madh në qytetet izraelite pas sulmeve vdekjeprurëse me raketa nga grupet terroriste palestineze në Gaza. Foto ilustruese: AP Photo/Sebastian Scheiner.
Një djalë gjashtë vjeçar u vra kur një raketë e qëlloi nga Rripi i Gazës dhe e goditi një ndërtesë banimi në Sderot në Izraelin jugor të mërkurën, thanë punëtorët e shërbimit të ambulancave izraelite.
Punëtorët vullnetarë të shpëtimit në shërbimin e ambulancave të United Hatzalah thanë se fëmiu gjashtë vjeçar vdiq nga plagët që mori kur ra raketa. Mediat izraelite raportojnë se pesë të tjerë u plagosën në sulm dhe se gjendja e një prej tyre është e rëndë.
Times of Israel shkruan se është nëna e djalit që u plagos rëndë gjatë sulmit. Sipas Kanalit 12, raketa goditi një shtëpi në një bllok apartamentesh. Familja thuhet se ishte në një strehimore, por një pjesë granate erdhi nga dritarja dhe goditi djalin dhe nënën e tij.
Një video nga siti, e publikuar në Times of Israel, tregon një zjarr në katin e gjashtë të asaj që duket të jetë një bllok apartamentesh në qytetin izraelit, i cili është afër kufirit me Rripin e Gazës.
Një ndërtesë banimi në qytetin Ashkelon është goditur gjithashtu nga një raketë nga Gaza.
Alarmi ajror pasditën e së mërkurës, vazhdon të bie në disa qytete izraelite, si në Jug të Izraelit, ashtu edhe në pjesën qendrore të vendit.
Document.no
Nga norvegjishtja: Drini
