Në foto: Kryetari i PAD (SDA), për Sanxhak, Sulejman Uglanin dhe Shaip Kamberi, deputet shqiptar nga Lugina e Preshevës në Kuvendin e Serbisë.
Pazar i Ri (Novi Pazar), më 28 janar 2024
Aktiviteti i radhës i zyrës së Këshillit Kombëtar Shqiptar në Pazar të Ri dhe kryetares e kësaj zyre znj.Amina Nuraj, sot, në këtë qytet, ku u paraqitën ushqimet tradicionale shqiptare. Në këtë aktivitet morën pjesë Kryetari i Këshillit Kombëtar Shqiptar nga Lugina e Preshevës, z. Nevzad Lutfiu, Ambasadori i Republikës së Kosovës në Serbi , z. Jetish Jashari, Deputeti z. Shaip Kamberi, Këshilltarja e Kryeministrit Kurti për Luginën e Preshevës znj. Ardita Sinani dhe z. Sulejman Uglanin, kryetari i PAD (SDA) në Sanxhak.
Kryetari i Këshillit Kombëtar Shqiptar nga Lugina e Preshevës, z. Nevzad Lutfiu, Ambasadori i Republikës së Kosovës në Serbi , z. Jetish Jashari
Kjo është hera e parë që Këshilli Kombëtar Shqiptar i këtij qyteti në Serbi, i udhëhequr nga Amina Nuraj, organizon për të pranishmit pritje të tillë, ku afrohen ushqipe tradicionale të familjeve autoktone shqiptare që jetojnë në malsitë e kësaj krahine.
Këshilltarja e Kryeministrit Albin Kurti për Luginën e Preshevës znj. Ardita Sinani
Sulejman Uglanin, kryetar i PAD për Sanxhak, me seli në Novi Pazar (Pazar të Ri), pasi e përshëndeti takimin dhe idenë për ushqipmet tradicionale të shqiptarëve, theksoi se “boshnjakët dhe shqiptarët janë autokton në Sanxhak, andaj kanë të drejtë shprehjes dhe lirisë së plotë, sikurse edhe në të drejtat kulturore e gjuhësore”. Folën edhe të pranishëm të tjerë, duke i dhënë takimit të tillë një atmosferë dhe kuptim të theksuar ceremonial.
Amina Nuraj me dy të rinj të tjerë shqiptare, në pritje të mysafirëve…
Ishte i pranishëm edhe ambasadori i Republikës së Kosovës në Beograd, Jetish Jashari e të tjerë mysafë të shquar, që me praninë e tyre e nderuan këtë organizim të parë publik të Këshillit Kombëtar Shqiptar me seli në Pazar të Ri, pas themelimit me 22 nëntor 2023. Sipas informatës së Këshillit Kombëtar Shqiptar dhe kryetares së këtij Këshilli Amina Nuraj që e dha për Drinin, organizimi i pritjeve të tilla, qoftë edhe duke shtruar ushqime tradicionale të shqiptarëve të Mbasbjeshkës (Masbjeshkës, Sanxhakut), i jep KKSH të Novi Pazarit (Pazarit të RI), frymë dhe organizim institucional , që është në frymën e koloritit të shumëllojshmërisë dhe organizimit multietnik në Sanxhak.
Pamje nga pritja, në video të ndryshme:
