Nikollë Loka, Tiranë
____
Kolë Dema lindi me 5 maj të vitit 1890 në qytetin e Gjakovës. Filloren e përfundoi në Gjakovë dhe pastaj vazhdoi liceun teknik tregtar në Shkodër.
Në vazhdim kreu Normalen në Vjenë dhe në vitin 1909 fillon punë në shkollën e Oroshit deri në vitin 1914, kur ajo shkollë u mbyll, pastaj punoi në shkollën françeskane, Konviktin “Malet Tona”, e përsëri në Mirditë si drejtor i konviktit “Mirdita”. Rikthehet mësues në Shkodër, në shkollat Teuta” dhe më vonë “Skënderbeg”. Bëhet drejtor i shkollës te Dugajtë e Reja.
Në vitin shkollor 1940-1941 kishte 31 vjet shërbim si mësues.
Kola dinte italisht, frëngjisht dhe gjermanisht dhe ka lënë në dorëshkrim përkthime të veprave letrare nga këto gjuhë. Botoi veprën “Begatitë e Shqypnisë”, dhe dramat “Konti i Drishtit”, “I padituni për gjaksi”, “Hasmi i dytë”, etj.
U nda nga jeta me 24 dhjetor të vitit 1967.
