Kryeministri i Republikës së Kosovës, Albin Kurti, mirëpriti në një takim lamtumirës djalin e gazetares së ndjerë, Olga Priadko, e cila u nda nga jeta me 22 janar të këtij viti.
Pas më shumë një vit e gjysmë strehimi në Kosovë, Yaroslavi, nën përcjelljen e familjarëve të tij dhe me kërkesën e babait të tij, do të kthehet në familjen e tij në Ukrainë, në një zonë larg vijave të frontit.
Në shenjë mirënjohje dhe falënderimi, ai i dhuroi kryeministrit Kurti ëmbëlsira të prodhuara në Ukrainë. Yaroslavi shprehu dëshirën që të kthehet në Kosovë për pushime verore e t’i vizitojë shokët dhe shoqet e klasës në Shkollën Amerikane të Kosovës, ku ishte nxënës. Kryeministri i uroi shëndet dhe lumturi dhe tha se do të jetë gjithmonë i mirëseardhur në Kosovë.
E ndjera Olga Priadko dhe djali i saj Yaroslav erdhën në Kosovë në muajin maj të vitit 2023 në kuadër të programit “Gazetarët në Rezidencë” (JiR), të mbështetur nga Qeveria e Republikës së Kosovës e që zbatohet nga Asociacioni i Gazetarëve të Kosovës.
Nder dhe respekt të thellë për Kryeministrin Albin Kurti, të këtij Kryepolitikani me dinjitet të lartë kombëtar, i cili ka zënë vend në historinë e mbarë Kombit Shqiptar.
Takimi i lamtumirës me vogëlushin Yaroslav dëshmon më së miri për rreshtimin e Republikës së Dardanisë në krah të popullit heroik të Ukrainës, të kësaj kryevatre të kulturës sllavianolindore, në luftën e saj heroike kundër agresionit të Rusisë fashiste, e cila, si një gërmadhinë euroaziatke, s’është gjë tjetër, veçse një mbeturinë e Hordhisë mongole të Çingiskhanit.