Tungjatjeta shqiptarë, kudo që ndodheni! Ju falënderojmë nga zemra për mbështetjen e vazhdueshme ndaj profilit dhe faqes sonë. Ekipi ynë tani përbëhet nga 4 persona të përkushtuar, dhe puna jonë është plotësisht vullnetare. Misioni ynë është i qartë: të zbardhim të kaluarën tonë dhe të mos lejojmë që ajo të zbehet apo të harrohet.
Në këtë ditë të veçantë, me diell e shi që bashkëqeverisin në qiell, ju sjellim në shtëpitë tuaja zërin e paharrueshëm të Gonxhe Manakovës — vajzës ortodokse nga Manastiri, një ikonë e muzikës shqiptare në Maqedoni.
Gonxhe Manakova, e lindur më 25 korrik 1921, që në moshë të re tregoi një pasion të jashtëzakonshëm për muzikën. Në vitin 1948, ajo shkroi histori duke u bërë këngëtarja e parë shqiptare që këndoi në gjuhën shqipe në mikrofonin e Radio Shkupit, në një periudhë kur shqiptarët përballeshin me shumë sfida për të shprehur identitetin e tyre kulturor.
Me zërin e saj të fuqishëm dhe të ndjeshëm, Gonxheja dha zë shqiptarëve të heshtur, duke i dhënë muzikës shqiptare një vend të veçantë në zemrat e njerëzve. Ajo nuk ishte vetëm një këngëtare — ishte një frymëzim dhe një mbajtëse e pasurisë kulturore të komunitetit shqiptar në Maqedoni.
Edhe pse ndërroi jetë në vitin 1990, trashëgimia e saj vazhdon të jetojë përmes këngëve që na kujtojnë historinë, identitetin dhe shpirtin e shqiptarëve.
Sot, kur qielli na dhuron edhe diellin edhe shiun, zëri i Gonxhes na përshkon shpirtin dhe na lidh me rrënjët tona, duke na kujtuar se muzika është ura që lidh të kaluarën me të ardhmen.
I lumtë atij që i solli për lexuesit këta rreshta të artë .!
Arif…, e solli Redaksia e Drinit !