Florim Zeqa
Me të përfunduar procesi numërimit të votave nga komisionerët, përkatësisht nga shpallja përfundimtare e rezultatit të zgjedhjeve të 9 shkurtit 2025, fillojnë ‘ethet dhe ethjet’ e zgjedhjeve lokale!
Ndryshime kushtetuese për zgjedhjen e presidentit drejteperdrejt nga vota e popullit
Menjëherë pas çertifikimit të rezultatit të zgjedhjeve parlamentare nga KQZ, fillon beteja politike për formimin e qeverisë se re, e cila rrallë herë ka qënë më e komplikuar, jo për shkakun e rezultatit zgjedhor, por si pasojë e përqarjes së skenës politike dhe ambicieve për pushtet të liderëve partiak.
Për aq sa është e vështirë lidhja e ‘kurorës’ qeverisëse mes pushtetit dhe opozitës, duket i pamundur unifikimi i opozitës shkaku i postit të Kryeministrit!
Po e zëmë që arrihet një marrëveshje kompromisi për formimin e institucioneve të reja shtetërore, gjashtë muaj pas zgjedhjeve lokale do të përballemi me ngërçin tjetër politik në Kuvend për zgjedhjen e presidentit!
Shkuarja në çdo gjashtë muaj në zgjedhje për Kosovën e varfër është e papërballueshme dhe e mundimshme për qytetarët.
Urojmë që sa më parë të arrihet një marrëveshje fillestare mes subjekteve politike për konstituimin e Kuvendit dhe më pas edhe për formimin e qeverisë, në mënyrë që legjislatura e re, e 9-ta më radhë e Kuvendit të bëjë menjëherë amandamentimin e ndryshimeve kushtetuese për nxjerrjen e ligjit për zgjedhjen e presidentit drejteperdrejt nga vota e popullit.
Me ketë akt kushtetues do të evitoheshin ngërçet dhe pazaret politike për kontrabandimin e postit të presidentit nga partitë politike në Kuvend.
Mbajtja e zgjedhjeve të përbashkëta lokale dhe presidenciale në vjeshtën e këtij viti do të ishte zgjidhja më fatlume për vendin, e cila do të ndikonte drejtëpërdrejt në satbilitetin afategjatë politik dhe të qeverisjes më efektive në shërbim të vendit dhe qytetarëve.
