Mikel Marku u vra për Kosovën Republikë.
Por Kosova ende nuk ia ka ngritur as një bust.
Avokati dhe patrioti Mikel Marku u torturua barbarisht nga milicia serbe në vitin 1991 dhe vdiq pas 12 ditësh në gjendje kome, i lënë pa kujdes shëndetësor në qeli.
Faji i tij?
Ai kërkonte Kosovën Republikë.
Ai mbronte shqiptarët.
Ai kthente pronat e grabitura nga regjimi jugosllav.
Kur u varros në Pejë, Kosova u ngrit në këmbë.
Hoxhallarë, priftërinj, burra e gra nga të gjitha anët erdhën për ta përcjellë një burrë që kishte sakrifikuar gjithçka për lirinë.
Por sot, pas kaq vitesh liri, lind një pyetje e rëndë:
Si është e mundur që në Pejë – apo në gjithë Kosovën – nuk ekziston as një bust për Mikel Markun?
Në këtë vend shpesh shohim buste për njerëz që nuk kanë bërë asgjë për kombin.
Por për një njeri që u torturua dhe vdiq për Kosovën Republikë, nuk u gjet ende një vend në shesh?
Kjo nuk është vetëm harresë.
Kjo është padrejtësi ndaj historisë.
Nëse Kosova do të jetë e drejtë me historinë e saj, emra si Mikel Marku nuk duhet të mbesin vetëm në kujtimet e familjes apo të miqve.
Ata duhet të jenë në sheshet tona, në buste, në libra dhe në kujtesën e çdo brezi.
Sepse liria që e gëzojmë sot, është paguar me gjakun e njerëzve si ai.
Lavdi jetës dhe sakrificës së Mikel Markut.
____
Marrë nga faqja në fb, Ibrahim Rugova na mungon
