Duket qartë prandaj janë trondituar.
“Nous sommes dans un siècle où il semble que la raison doive triompher ; cependant la barbarie renaît dès qu’elle croit l’occasion favorable.”
Volter letër filozofit d’Alembert (29 mars 1762).
Duhet theksuar ex abrupto, se Lëvizja e Deçanit i ka shkundë islamistët politikë, që nga nxitësit e teorisë panislame e deri te neofitet Enverë. Milaimë, Shabanë e që përmblidhen me emrin e njohur osmanë.
Përhapja e islamit politik ka filluar pak nga pak që nga fillimvitet ’90-të, por ka marrë yrysh që nga deklarata e Davutogllu, që ishte ipso facto e Erdoganogllu, në nëntor 2009, në Sarajevë, për bashkimin, si dikur, të miletit myslyman nën ombrellën e neootomanizmit.
Që nga ajo kohë, propaganda, ngritja e xhamive, lufta kundër kulturës e historisë shqiptare, u zhvilluan kreshendo. U sulmuan simbolet tona kombëtare, etnografia, festat, tradita, artet, etj etj deri edhe qënja shqiptare. “Unë jam musliman dhe jo shqiptar” bërtiste si cjapi në shul, një klerik islamik, ndërsa turma pa krye e xhematit duartrakiste e brohosiste.
Të gjitha mundohet ti fshijë me një të rë të lapsit islamiku i vogël Milail Nela. Dhe ky minisilamik e gjen oportune dhe të domosdoshme të sulmojë LEVIZJEN E DEÇANIT, me gjuhën pezhorato “e dreqanit”. Nuk duhet marrë mundimi me stigmatizue një mjerim nela, nëse do ishte vetëm një Milaim, por kur të njëjtës vrimë i bie edhe i ashtuquajturi profesor me emrin Enver B, apo të tillë si rahmetilia Sh. Murati, ahere nuk duhet shkuar pas sentencës të marrëve hapu rrugën.
E gjithë turma laramane e islamikëve, si në fabulën e vjetër “më mbaj pak kopilin, sa t’i them asaj zonjës kurvë”, blegërojnë se LEVIZJA e DEÇANIT është kinse” investim antishqiptar”. – Nuk e besoni? – mjaullin Milaimi, ahere ja dokumenti i Osmanit. Zbulimi “important” i Osmanit (shihni mbiemrin e tij që e mban si gozhup nga koha e osmanllinjve), na lë pa fjalë. Osmani i orientit, nihet si parja e kuqe. Eshtë e kotë ti shtosh apo ti heqësh gjëkaf’.
Duhej të ishim ndryshe, por fatkeqësisht jemi këtu e kështu. Kishte të drejtë Volteri kur i shkruante d’Alemberit:
“Jetojmë në një shekull ku arsyeja duket e destinuar të triumfojë; megjithatë, barbarizmi rilind sapo beson se mundësia është e favorshme.”
Por le të flasë vetë Milaimi dhe sekush të nxjerrë konkluzjet:
Ja shkarrashkrimi i tij i plotë:
“LËVIZJA E DEÇANIT” APO LEVIZJA E DREQ-ANIT?
A ka qeveria e Kosovës dhe Albin Kurti informacione të shërbimeve informative rreth të ashtquajtërës “Lëvizje e Deçanit”?
A është kjo lëvizje siç e kanë cilësuar njohës të politikës dhe rajonit si investim komplotist antishqiptar që ka synime shkatërrimtare për Kosovēn dhe balancat politike fetare të saj?
Dihet që sidomos balancat fetare janë tepër të ndjeshme e ky lloj “orteku” hiç nuk po më pëlqen!
Cili është synimi real i sponsorave të kësaj levizjeje?
Ata që mendojnë se kjo lëvizje realisht ka synime konvertimin në katolikë që të na dojë perëndimi vërtet duhet ti thërrasin mendjes e të shohin poshtë fasadës dhe parrullave idiote!
Është publikuar një dokument i dalë nga shërbimet Kroate nga Kreshnik Osmani (video ne komente) rreth një komploti të mirëorganizuar e mirëmenduar nga qendrat armike të shqiptarëve!
Serbia ka luajtur gjithmonë me ndjenjat fetare të shqiptarëve. Me sa duket kur nuk arritën të realizojnë synimet e tyre duke financuar grupe radikale islamiste brenda dhe jashtë Kosovës duke arritur që këto grupe të përhapin dhe konsolidojnë radikalizime klerikësh dhe idiotë që shajne simbolet kombëtare të shqiptarëve si Gjergj Kastrioti dhe duke arritur deri atje sa të mos identifikohen me shqiptarë por vetëm muslimanë, tani i janë kthyer konvertimit masiv të shqiptarëve në katolikë që për inerci do krijojë lëvizje të tjera brenda komunitetit serb!
Miq!
Po luhet një shah shumë i rrezikshëm me prapavijë tëpër helmuese!
Asgjë nuk është ashtu siç duket!
