Nga: Ahmet Asani
[Me rastin e 6 vjetorit të shkuarjes në amshim të akademik Mark Krasniqit]
▪︎Per emrin e profesor Mark Krasniqit kisha mësuar qysh kur isha 10 vjeç, kur mësuesi im i parë Nevzad Jashari për suksesin e shkëlqyeshëm më kishte dhuruar librin “Posta e Porositun”! Sa shumë e deshta ate libër nga i cili mësova per pabesinë e ujkut e dhelprës, te cilëve nuk duhet zënë besë as kur betohen, sepse edhe betimin e bëjnë per të mashtruar!
▪︎Nga “Posta e porositun” mësova përmendesh emrat shqip të shumë fshtarave e maleve të Kosoves, dhe sa herë që e lexoja këtë liber dhuratë, ëndrra ime ishte që ti shëtisja këto vende dhe ta takoja autorin Mark Krasniqi, qe ai t’ma nënshkruante me dorë të vet librin
“Posta e Porositun”
▪︎Sikur gjithë fëmijet edhe unë ëndërroja e fantazoja shumëçka! Ëndërroja biles sikur me autorin e librit “Posta e Porositun” bisedoja, i shtroja atij pyetje për ariun, ujkun e dhelprën dhe ai më jepte pergjigje, por, dorën në zemër, që një ditë unë do isha jo vetem mik por edhe një nga bashkëpunëtoret me te afert te akademik Mark Krasniqit, krahut të djathtë të dr.Ibrahim Rugovës, këte nuk e kisha ëndërruar!
▪︎Jam shumë i lumtur e shumë krenar, që pata fatin ta kem mik dhe të jem badhkëpunëtor e bashkudhëtar i akademik Mark Krasniqit, intelektualit e patriotit të madh shqiptar, që tërë jetën e tij punoi për t’mirën e kombit shqiptar.
LAVDI JETËS DHE VEPRËS SË AKADEMIK MARK KRASNIQIT!
Kjo foto flet shumë, shumë më shumë se që mund të mendojmë …Akademiku Mark Krasniqi e ka parashikue të ardhmen, indiferencën dhe mospërfilljen ndaj atyre që kanë dhënë kontribute të mëdha për kombin, sikurse që ishte edhe vet ai.
Prandaj, Akademiku i njohur, i cili aq shumë i ka shërbyer kombit, për së gjalli ia ka ngritë varrezën vetës!
Në vendin ku iu ngriten përmendore armiqëve apo ku armiqët ta nënvlerësojnë shtetin dhe i ngrenë përmendoret e heronjve të vet që të kanë robëruar si shqiptar dikur, edhe e pamundshmja del të jetë e mundshme.
Megjithatë, Mark Krasniqin nuk e harrojnë kurrë Shqiptaret e Shqiptarët, si për shembull intelektuali i njohur shqiptar nga Kumanova e Maqedonisë që jeton në Zvicër, Ahmet Asani.
