Agim Morina, Londër
___
I alarmuem nga qetësia dhe rregulli që asht vendosë në veri të Kosovës, pansllavisti Peter STANO, hala pa u fikë mirë zjarmi i bombës në veri të Kosovës ka shfaqë “shqetësimin” që situata në veri nuk po “qetësohet”. Stanoja nuk e dënon fare aktin e hedhjes ë bombës dhe rrezikimin e jetëve të qytetarëve, por po gjeneralizon menjëherë se kjo qenka tregues se në veri “nuk ka një ulje të qartë të tensioneve”.
Kjo nguti kaq e madhe, ky konkluzion kaq i shpejtë dhe kaq i përgjithshëm len me kuptu se Peter Stanoja asht shumë ma i shqetësuem me qetësinë dhe rregullin në veri të Kosovës, sesa me shpërthimin e bombës. Ban vaki që këtë ia ka shprehë edhe kriminelit Vucici dhe ky menjëherë ka kërku që bandat e tij të veprojnë dhe të “shqetësojnë” sa më shpejt “qetësinë” shqetësuese. Por, gabimisht ata e kanë hedhë një bombë të prodhimit serb.
I ngarkuem me u marrë me krejt BE-në dhe Europën, Peter Pan-sllavisti sikur ka hapë zyrë veç për Kosovë në Bruksel dhe po i ban konkurrencë Petar Petkovićit, drejtorit të zyrës për Kosovë në qeverinë e Serbisë.
Synimi i Stanos dhe lukunisë pansllaviste në zyrat e BE-së asht i qartë, me zhba e me zhverësu punën e jashtëzakonshme të qeverisë së Kosovës në veri dhe me nisë me kanalizu një tjetër synim djallëzor: me hapë rrugën për me kërku protektorat të veçantë ndërkombëtar për veriun e Kosovës. Imagjinata kelrofashiste pansllaviste asht e pafund, ashtu si edhe veprimet e tyne kriminale.
